ЯҢАЛЫКЛАР
Иртәгә Казанның “Корстон” үзәгендә “IT@ Securuty Forum 2011” исеме астында информацион технологияләр һәм мәгълүмати куркынычсызлык өлкәсендә мультивендор конференция башланачак. Форум ике көн дәвам итәчәк һәм анда дәүләт секторының, банк, телекоммуникация, нефть һәм газ өлкәсендә эшләүче компанияләрнең 250 дән артык вәкиле, шулай ук регуляторлар – ФСТЭК һәм Роскомнадзор вәкилләре катнашачак.
Бүген РФ Хөкүмәте Рәисенең беренче урынбасары Игорь Шувалов Казандагы эшлекле визиты барышында “IT-парк” югары технологияләр өлкәсендәге технопаркта урнашкан бизнес-инкубаторны карады. Аны Татарстан Республикасы Президенты Рөстәм Миңнеханов озатып йөрде.
Бүген Казанда Татарстан Республикасы һәм РФ Роскомнадзоры арасында 2013 елда узачак Универсиадага әзерлек һәм аны үткәрүдә үзара ярдәм итешү буенча килешү имзаланды. Документка Татарстан Президенты Рөстәм Миңнеханов һәм Элемтә, мәгълүмат технологияләре һәм массакүләм коммуникацияләр буенча федераль хезмәт җитәкчесе Сергей Ситников кул куйды.
Казанда, Яр Чаллыда, Түбән Камада, Лениногорскида, Шәймәрдәндә һәм Биләрдәге радиотелетапшыру үзәкләрендә планда каралган ремонт булачак. Бу вакытта барлык техник чаралар да өзелгән була. “Татарстан Республикасы РТПЦ” РТСР филиалына караган антенна-фидер җайланмаларына ремонт Россия теле-радио тапшырулары челтәренең 2011 елга каралган графигы буенча алып барылачак.
Татарстан - информацион регионга, ә Казан – Россиянең ИТ-индустриясе башкаласына әверелә. Бүген Казанның ИТ-паркына визиты барышында РФ Президенты ярдәмчесе Аркадий Дворкович шулай дип белдерде. Татарстанда дәүләт секторында информацион технологияләр уңышлы кулланыла: ЮХИДИ штрафларын түләү, балалар бакчасына чиратка басу, Загска заявление бирү кебек эшләр – барысы да Интернет аша өйдән яки офистан чыкмыйча гына эшләнә , дип искәртте ул.
Бүген Казанда РФ элемтә һәм массакүләм коммуникацияләр министры Игорь Щеголев катнашында Татарстанның ИТ- өлкәдә булган казанышларын презентацияләү һәм 2013 елда узачак Универсиаданың ИТ-концепциясен тормышка ашыру буенча киңәшмә узды.
Татарстандагы медицина һәм IT-технологияләр өлкәсендәге иннвацион эшләнмәләр бүген Ямал-Ненец автономияле округы делегациясенә тәкъдим ителде. Губернатор Дмитрий Кобылкин җитәкләгән мәртәбәле делегацияне “Казан” халыкара аэропортында ТР Президенты Рөстәм Миңнеханов, Премьер-министр Илдар Халиков, Дәүләт Советы рәисе урынбасары Александр Гусев каршы алды.
Татарстан республикасында элемтә өлкәсендә сыйфатны яхшырту проблемаларын хәл итү өчен конструктив юллар эшләнгән. Бу турыда Казанга эшлекле визит белән килгән Калуга өлкәсенең губернатор урынбасары Максим Шерейкин Татарстанда элемтә сыйфатын күтәрү буенча уздырылган икеайлыкка йомгак ясау пресс-конференциясендә белдерү ясады.