ЯҢАЛЫКЛАР
RealSpeaker сөйләм аудиовизуаль танып белү системасы “Иң яхшы ИТ-проект” номинациясендә 2012 ел Зворыкин премиясен алды. Икенче урын бу номинациядә “Автодория” – юл хәрәкәте кагыйдәләрен бозу очрагын теркәү һәм юл куркынычсызлыгын тәэмин итү өлкәсендә биремнәр эшкәртү системасы алды.
Бүген Казан ИТ-паркы мәйданчыгында Бөтендөнья банкының мәгълүмат һәм коммуникацияләр технологияләре үсеше юнәлеше башлыгы Крис Вейн (Chris Vein) җитәкчелегендәге делегация булды.
Бүген ТР Дәүләт Советы Президиумы әгъзалары парламент башлыгы Фәрит Мөхәммәтшин җитәкчелегендә, ашыгыч һәм оператив хезмәтләрнең «ГЛОНАСС+112» бердәм системасы белән танышу максатыннан, IT-паркта булды.
Телерадио тапшырулар буенча федераль конкурс комиссиясе икенче мультиплекс формалаштыруга дәгъва итүче компанияләрдән алынган заявкаларны тикшерде.
Шимбә көн Казан ИТ-паркында Россия Элемтә һәм массакүләм коммуникацияләр министры Николай Никифоров булды. Кунакны ТР Премьер-министры урынбасары – Мәгълүматлаштыру һәм элемтә министры Роман Шәйхетдинов озатып йөрде.
Казанда бүген «Invest in Tatarstan 2012» исемендәге Халыкара кышкы форум эшли башлады. Бу чара – 2012 елның май аенда игълан ителгән, республика брендын дөньяда, халыкара мохитта таратуга юнәлдерелгән «Invest in Tatarstan» дигән зур PR-кампаниянең йомгаклау өлеше. Мәгълүмати партнер – Европа, Америка, Якын Көнчыгыш, Көньяк-Көнчыгыш илләренә бәян итүче халыкара бизнес-телеканалы «CNBC».
Казанның Авиатөзелеш һәи Киров районнарыннан 100 мең укучы махсус пластик карталы булды. Казан мэриясенең “Укучы картасы” проекты кысаларында чыгарылган бу карталар мәктәптә төшке ашка түләү өчен кирәк.
Россия төбәкләрендә хакимиятне җәмәгатьчелек контролендә тоту механизмының реаль эшләве мисалы булып Татарстан тора, диде “Ачык хөкүмәт” эшчәнлеген координацияләү буенча хөкүмәт комиссиясе өчен җаваплы РФ министры Михаил Абызов кичә “Ачык дәүләт идарәсе” халыкара конференциясендә.
Бүген Мәскәүдә “Ачык хөкүмәт” эшчәнлеген координацияләү буенча хөкүмәт комиссиясе өчен җаваплы РФ министры Михаил Абызов регионнар белән киңәшмә уздырды. “Ачык Татарстан” проектының беренче нәтиҗәләре һәм аның үсеше хакында бу киңәшмәдә ТР Премьер-министры урынбасары - Мәгълүматлаштыру һәм элемтә министры Роман Шәйхетдинов чыгыш ясады.
Быел ноябрь аенда ведомствоара багланышлар системасында Татарстан хакимияте органнары эше начарланды. Бу хакта Хөкүмәт йортында шимбә көн узган киңәшмәдә вице-премьер - ТР Мәгълүматлаштыру һәм элемтә министры Роман Шәйхетдинов сөйләде.