ЯҢАЛЫКЛАР
РФ Дәүләт Думасы Председателе Борис Грызлов Татарстанда кулланылучы “Электрон көн тәртибе” системасын Госдумада да кертергә тәкъдим итте. Моның өчен махсус эш төркеме булдырылачак. Мондый тәкъдимне Борис Грызлов Татарстандагы “ТР Дәүләт Советы электрон көн тәртибе” һәм “ ТР ведомствоара электрон документ алмашу” системалары белән танышканнан соң әйтте. Моннан тыш, ул электрон документ алмашу системасын керткәндә татарстанлылыар тәҗрибәсен кулланырга чакырды. ИТ-Парк резиденты булып торган “Системы документооборота” компаниясенең бу эшкәртмәләре РФ Дәүләт Думасы регламент һәм оештыру комитеты инициативасы белән Мәскәү шәһәрендә тәкъдим ителде һәм Дәүләт Думасында зур бәя алды.
Татарстанда элемтә хезмәтләренең - телефон элемтәсе , Интернет челтәренә ялгану, телевизион сигналлар тапшыру - сыйфатын яхшырту айлыгы дәвам итәчәк. Бу турыда ТР Хөкүмәте йортында узган матбугат очрашуында әйтелде. Брифингта ТР Премьер-министры урынбасары-Мәгълүматлаштыру һәм элемтә министры Николай Никифоров, ТР Министрлар Кабинеты Аппараты җитәкчесе урынбасары Айрат Хәйруллин, Элемтә, мәгълүмат технологияләре һәм массакүләм коммуникацияләр өлкәсендә күзәтчелек буенча федераль хезмәтнең ТР идарәсе җитәкчесе Айрат Зарипов катнашты.
Татарстанлылар универсаль электрон картаны (УЭК) кулланышка кертүгә әзер, дип саный ТР Премьер-министры урынбасары – Мәгълүматлаштыру һәм элемтә министры Николай Никифоров. РФ Президенты каршындагы иктисадның модернизация һәм технологик үсеше комиссиясенең 21-нче утырышы алдыннан узган бүгенге брифингта ул шулай дип белдерде.
Россия табигый ресурслар һәм экология министры Юрий Трутнев экология торышы турында ачык Интернет – сервис булдырырга тәкъдим итте. Моны ул Югары технологияләр буенча эшләүче ИТ-парк” технопаркына Татарстан Президенты Р.Н.Миңнеханов белән бергә узган визиты вакытында хәбәр итте.
РФ Иҗтимагый палатасы члены, телевидение тапшырулары алып баручы Тина Канделаки җитәкчелегендәге федераль һәм республика массакүләм мәгълүмат чаралары журналистлары делегациясе бүген югары технологияләр өлкәсендә эшләүче “IT-парк” технопаркында булып китте. ММЧ вәкилләре белән Татарстан Республикасы Президенты Рөстәм Миңнеханов, Премьер-министр урынбасары–ТР мәгълүматлаштыру һәм элемтә министры Николай Никифоров, Республика матбугат һәм массакүләм коммуникацияләр агентлыгы «Татмедиа» җитәкчесе Марат Моратов та булдылар.
“Электрон сәламәтлек саклау” проектын тормышка ашыруның беренче нәтиҗәләре бүген Түбән Кама шәһәрендә узган киңәшмәдә каралды.
Киңәшмәдә ТР Премьер-министры урынбасары – Мәгълүматлаштыру һәм элемтә министры Николай Никифоров, Түбән Кама шәһәре мэры Айдар Метшин, ТР Сәламәтлек саклау министры беренче урынбасары Адель Вафин, министрлыкның диспетчерлык үзәге Ростислав Туишев, “Таттехмедфарм” фирмасы, ФОМС белгечләре, районның сәламәтлек саклау учреждениеләре баш врачлары катнашты.
РФ Президенты Администрациясе җитәкчесенең беренче урынбасары Владислав Сурков кичә Мәскәүдә РФ Президенты каршындагы Иктисадның модернизация һәм технологик үсеше комиссиясенең Президиумы утырышын уздырды.
Бүген Татарстан Премьер-министры Илдар Халиков “Татарстан Республикасында дәүләт, муниципаль һәм социаль әһәмияткә ия хезмәтләрне электрон рәвештә күрсәтүгә күчү планын гамәлгә ашыруның барышы турында” киңәшмә үткәрде.
Татарстан Республикасында яшәүчеләр кәрәзле радиотелефон элемтәсе, кабельле һәм эфирлы телевидение сыйфаты, шулай ук Интернет челтәренә керүдә туган проблемалар буенча шикаятьләрне интерактив сервис ярдәмендә тапшыра алалар. ТР Мәгълүматлаштыру һәм элемтә Министрлыгы сайтында хатларны Интернет-сервис аша кабул итү оештырылган. Бу турыда бүген ТР Министрлар Кабинетында үткәрелгән брифингта Премьер-министр урынбасары –ТР мәгълүматлаштыру һәм элемтә министры Николай Никифоров хәбәр итте.
Татарстан Республикасы Мәгълүматлаштыру һәм элемтәминистрлыгы коллегиясенеңкиңәйтелгән утырышы 2011 елның 20 гыйнварында 9:00 сәгатьтә була. Утырышта тармактагы 2010 ел эш нәтиҗәләре һәм 2011 елга планнар каралачак.