ЯҢАЛЫКЛАР
Татарстан Республикасы Мәгълүматлаштыру һәм элемтә министрлыгы тарафыннан массакүләм мәгълүмат чаралары арасында үткәрелгән « Кешеләрне бәйләүче җеп» бәйгесенең җиңүчеләрен бүләкләү бүген «IT-парк»та үтте.
“2011-2015 елларга ТР да цифрлы телевидение оештыру” дигән республика максатчан программасын гамәлгә ашыруның төп нәтиҗәсе республика халкын 100 процент социаль әһәмияттәге каналлар белән тәэмин итү булачак. Шул исәптән, цифрлы форматта тапшырылучы республика программалары белән дә. Аларны гарантияле кабул итү өчен 95 процент йорт-хуҗалыкларга шартлар тудырырга кирәк. Бу хакта Премьер-министр урынбасары –ТР Мәгълүматлаштыру һәм элемтә министры Николай Никифоров Телерадиотапшыруларны үстерү һәм цифрлы технологияләргә күчү буенча республика комиссиясе утырышында хәбәр итте. Утырышта республика комиссиясенең эш планы һәм республикада 2010-2015 елларга цифрлы телевидение үстерү планнары тикшерелде.
Бүген Казандагы югары технологияләр өлкәсендә эшләүче “IT-парк” технопаркында Казанда 2013 елгы XXVIIБөтендөнья җәйге универсиаданы әзерләү һәм уздыру өчен информацион-коммуникацион һәм телекоммуникацион инфраструктура төзүне координацияләү буенча ведомствоара эшче төркемнең беренче утырышы узды.
Бүген Новосибирскида Татарстан Республикасы Президенты Р.Н.Миңнехановның Новосибирск өлкәсенә эш визиты барышында Россия фәннәр академиясе Себер бүлеге һәм Татарстан Республикасы Хөкүмәте арасында хезмәттәшлек турында Килешүгә кул куелды Документны ТР Премьер-министр урынбасары –ТР мәгълүматлаштыру һәм элемтә министры Николай Никифоров һәм Россия Фәннәр академиясенең Себер бүлегенең рәис вазыйфаларын үтәүче, академик Ренад Сагдеев имзаладылар.
«Россия телевидение һәм радиотапшырулар челтәренең» ФДУП филиалы- «Татарстан Республикасының радиотелевизион тапшыручы үзәге» Мәгълүматлаштыру һәм элемтә министрлыгы предприятиеләре арасында 2006-2010 елларда ресурсларны файдалы куллану программасын тормышка ашыру смотр-конкурсында җиңүче булды. Бу предприятие быел энергия саклау чараларына 93,7 млн сум акча тоткан, бу елына 7,4 млн сум акчаны янга калдырырга мөмкинлек бирә.
Бүген Татарстан Республикасы Хөкүмәте йортында узган очрашуда республика предприятиеләренең “Ренова” компанияләр төркеме һәм “Сколково” инновацион үзәге белән ике якка да файдалы хезмәттәшлегенең төп юнәлешләре хакында фикер алыштылар.
Татарстан Республикасы спутниклар ярдәмендә навигацияләүче ГЛОНАСС системасын кертү буенча алдынгыларның берсе. Бу фикерне бүген Россия Хөкүмәте вице-премьеры Сергей Иванов Яр Чаллы шәһәрендә Татарстан Президенты Рөстәм Миңнеханов белән очрашу барышында әйтте.
БүгенФинляндия Президенты Тарья Халонен Казанда югары технологияләр өлкәсендә эшләүче “ИТ-парк” технопаркында булды. Визит барышында аны Татарстан Республикасы Президенты Рөстәм Миңнеханов озатып йөрде.
Татарстанда яшәүчеләр юл йөрү кагыйдәләрен бозган өчен салынган штрафлар түләгәндә “электрон хөкүмәт”нең инфоматларын актив файдаланалар. Бүгенгә бу иң кирәкле хезмәт күрсәтү булып тора. Мәсәлән, октябрь аенда ЮХИДИга түләнгән штрафларның һәр унысы- барлыгы 12 миллион сумнан артык- инфоматлар аркылы килгән.
Россия Президенты Дмитрий Медведев Татарстанда гамәлгә керүче электрон дәүләт һәм муниципаль хезмәтләре күрсәтү өлкәсендәге проектларга уңай бәя бирде. Алар белән РФ Президенты бүген Яр Чаллы шәһәренә эш визиты белән килгәч танышты. Дмитрий Медведевны Татарстан Республикасы Президенты Рөстәм Миңнеханов озатып йөрде.