Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Татарстан Республикасында 25 күчмә элемтә бүлеге булачак

2012 елның 27 марты, сишәмбе

2012 елда Татарстанга өстәмә рәвештә “Россия почтасы” компаниясе заказы буенча 6 элемтә бүлеге кайтачак.

Бүген “Россия почтасы” ның филиалы булган “Татарстан почтасы” компаниясендә барлыгы 19 күчмә бүлек бар. Алар ерак, юлсыз, кеше саны аз булган торак пунктларда хезмәт күрсәтә.

Стационар почта бүлеге, почтальоннар булмаган очракта мондый хезмәт аеруча мөһим урын алып тора. Почта элемтәсе операторының стратегик максаты – барлык кулланучыларны да почта элемтәсе белән бертигез тәэмин итү. Эш режимын, маршрутларны, маршрут ешлыгын, торак пунктлар исемлеген почтамт билгели һәм җирле үзидарә органнары белән килештерә. Мондый элемтә бүлекләре атнага 5 көн эшли, якшәмбе һәм дүшәмбе көннәрендә ял итә. Туктап тору вакыты якынча 30 минут була. Торак пунктларда мондый күчмә почталарның режимы турында мәгълүмат бирелгән. Шулай итеп, мондый элемтә үзәкләре күп төрле эш башкаручы (хатлар, посылкалар җибәрү, газета-журналларга язылу, комммуналь хезмәтләр өчен һәм башка төр түләүләр кабул итү, китаплар һәм башка товарлар сату һ.б.) кибет хезмәтен үти.

ТР Мәгълүматлаштыру һәм элемтә министрлыгы матбугат хезмәте

БАРЛЫК ЯҢАЛЫКЛАРНЫ УКУ