КАМАЗ һәм ИТ-парк ресурслы аутсорсинг хакында контрактка кул куйды
2012 елның 23 марты, җомга
Алдагы дүрт ел эчендә Россиянең иң зур авомобиль корпорациясе – “КАМАЗ” компанияләре группасы югары технологияләр өлкәсендә эшләүче Технопарк “ИТ-парк”ының дата-үзәген үзенең ИТ-системаларын урнаштыру өчен файдаланачак.Бүген ИТ-парк директоры Динар Насыйров һәм “КАМАЗ” ААҖының Информацион һәм коммуникацион технологияләр үзәге директоры Михаил Носов бу хакта контракт төзеделәр.
Кул кую ИТ-паркта ТР вице-премьеры- мәгълүматлаштыру һәм элемтә министры Николай Никифоров катнашында булды.
Шул рәвешчә КАМАЗ Россиянең иң эре холдинглары арасында беренче булып үзенең ИТ-сервисларын башка шәһәрдә урнашкан биремнәр эшкәртү үзәгенә аутсорсингка тапшырды. Проект 2011-2015 елларга каралган КАМАЗ информацион системаларының һәм ИТ-инфраструктусының реинжиниринг программасы кысаларында уза. Предприятие шулай итеп ИТ-структурасын үстерүгә тотыла торган чыгымнарын киметә. Михаил Носов сүзләренә караганда, 40 процентка кадәр экономия көтелә, бу 57 миллион сум дигән сүз. Дүрт еллык контрактның суммасы 90 миллион сум тәшкил итә, бу сан КАМАЗ ихтыяҗларыннан чыгып үзгәрергә дә мөмкин.
ИТ-парк дата-үзәге “КАМАЗ” ААҖ информацион системалары өчен мәйданчык булды, һәм аны предприятиенең 5 мең хезмәткәре куллана. 2015 елга кулланучылар саны 15 меңгә җитәчәк дип фаразлана. Бу эшкә төп технологик чылбырдагы заводлар һәм компаниянең башка структуралары хезмәткәрләре дә тартылачак.
Югары дәрәҗәдәге дата-үзәк ИТ-паркның аерым бер инфраструктурасы булып тора һәм үз эченә дәүләт информацион системаларын һәм ресурсларын урнаштыру зонасын, коммерциячел серверлар, шул исәптән ИТ-парк резидент-компанияләре серверларын да, урнаштыру зонасын ала. Әлегә дата-үзәктә федераль һәм республика дәүләт информацион ресурслары, берничә эре коммерциячел предприятиеләр һәм банклар ресурслары урнашкан.
2012 елда дата-үзәккә “КАМАЗ” ААҖының иң мөһим информацион ресурслары күчәчәк. Беренче чиратта - SAP ERP, SAP BI, SAP SCM, системы 1С, шулай ук Microsoftның Exchange, Sharepoint, Lync сервислары. Бу эш башланды инде.
Кабул ителгән контракт буенча ИТ-парк КАМАЗга 70 виртуаль һәм физик сервер бирергә тиеш, биремнәрне саклау өчен 50 ТБ урын, резервланган элемтә каналлары бирә һәм тәүлек әйләнәсенә техник ярдәм күрсәтә.
“Ресурслы аутсорсинг – безнең ИТ-парк белән булачак хезмәттәшлегебезнең беренче этабы, - диде Михаил Носов. - Киләчәктә функциональ аутсорсинг – ИТ-парк белгечләре һәм андагы яшь стартап-компанияләр белән эшләрбез. Шул ук вакытта ИТ-паркның Яр Чаллыда төзелә торган икенче мәйданчыгын без консалтингка тотыла торган чыгымнарны киметү һәм талантлы яшь белгечләрне, Татарстан югары уку йортларын тәмамлаучыларны читкә җибәрмәс өчен файдаланачакбыз”.
.jpg)
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз