ЯҢАЛЫКЛАР
Татарстан Республикасы Мәгълүматлаштыру һәм элемтә министрлыгы Универсиада алдыннан 2013 елгы Казандагы Универсиада объектларында телетрансляцияне оештыру сорауларын координацияләде.
Юл кагыйдәләрен бозуны инновацион система рәвешендә теркәп баручы “Автодория” компаниясе Ингушетия Республикасында пилот проектын эшләтеп җибәрде. Тизлекне арттыру Россия буенча күпчелек регионнарда, шул исәптә Ингушетиядә дә иң таралкан юл кагыйдәсен бозу булып тора.
Универсиада Утын кабызу бүген Югары Осланда мәдәният һәм ял итү паркында узды. Тантаналы чарада Премьер-министр урынбасары – Татарстанның мәгълүматлаштыру һәм элемтә министры Роман Шәйхетдинов, Татарстанның дәүләт киңәшмәсе депутаты Марат Хәйруллин һәм Югары Ослан муниципаль районы башлыгы Марат Зыятдинов катнашты.
Казан укучылары – Бекжан Джумаков һәм Булат Кәримов идеяләре Google версиясе буенча дөньяны үзгәртә ала торган 90 идея арасына кергән. Бүген Googleнең Мәскәүдәге офисында Россия финалистларын тантаналы рәвештә котладылар.
Универсиада вакытында Казанда “Мегафон” компаниясенең алты күчмә база станциясе эшләячәк. Алар мобиль элемтә эшен оештыру һәм аның сыйфатын арттыруга ярдәм итәчәк.
2013 елның 18-27 июньдә Самар шәһәрендә Идел буе федераль округының «iВолга-2013» яшьләр форумы узды. Проект Россия Федерациясенең Президентының Идел буе федераль округында вәкиле Михаил Бабич патронажы буенча узды.
Бүген ТР Президенты Рөстәм Миңнеханов, “Россия почтасы” ФДУП генераль директоры Дмитрий Страшнов, ТР Премьер-министры урынбасары - Мәгълүматлаштыру һәм элемтә министры Роман Шәйхетдинов реконструкциядән соң башкаланың Кремль урамында ишекләрен ачкан 420000 нче номерлы почта бүлекчәсен ачу тантанасында катнаштылар. 1 июльдән почта бүлекчәсе иртәнге сигездән кичке унга чаклы төшке ялга тукталмыйча хезмәт күрсәтәчәк.
Россиянең коммуникацияләр һәм элемтә министрлыгы 2013 елны ААҖ “Иннополис”ның устав капиталына 3 миллиард сум акча кертәчәк. ААҖ “Иннополис” Казан читендә ИТ-үзәк төзи.
Google Татарстанның мәгариф проектларында партнер буларак катнашырга әзер. Проектларның берсе - «IT-Чемпион». Санкт-Пебербургта узган халыкара икътисади форумда сөйләшенелгән шушы һәм башка килүшеләр турында бүген Вице-премьер – Татарстанның Мәгълүматлаштыру һәм элемтә министры Роман Шәйхетдинов сөйләде.
Казан Россиянең яңа буын DBV-Т2 стандартлы цифрлы телевидение мөмкинлекләрен кулланып 19 түләүсез канал карый алучы беренче шәһәре булды. Бүген Казан радиотелевизион үзәгендә цифрлы телевидениенең 9 түләүсез каналын берләштергән икенче мультиплекс тантаналы рәвештә эшләтеп җибәрелде.