ЯҢАЛЫКЛАР

20 сентябрьдә “Сочи-2012” XI Халыкара инвестицион форумы эшли башлаячак. Ел саен анда илнең күп кенә төбәкләре, шулай ук Россия һәм чит ил компанияләре үзләренең проектларын күрсәтеп килә. Бүгенгә 28 ил һәм Россиянең 60 регионы форумда катнашуларын раслады.

2012 елның 1 июленнән – ведомствоара багланышлар ситемасы гамәлгә кергәннән бирле – СМЭВ системасына 29 115 хезмәт алу өчен 25 379 мөрәҗәгать алынды. Бу хакта Министрлар кабинетында узган шимбә киңәшмәсендә ТР Премьер-министр урынбасары – Мәгълүматлаштыру һәм элемтә министры Роман Шәйхетдинов сөйләде.

Казанда 2013 ел Универсиадасына әзерләнүче мәгълүмат-аралашу инфраструктурасы август ахыры-сентябрь башында 4 төрле ярышта уңышлы тест узды. Бу ярышлар: Байдаркада һәи каноэда ишү буенча студентлар дөнья чемпионаты, Су полосы Kazan Cup яшьләр җыелма командалары халыкара турниры, Атыш буенча студентлар дөнья чемпионаты һәм  Академик ишү буенча студентлар дөнья чемпионаты.

Татарстан Рсепубликасы  “Халык контроле” мәгълүмат системасы гамәлгә керүгә 5 ай вакыт узды. Бу арада системада 3 мең гариза теркәлде, аларны 47 800 кеше хуплап чыкты. Министрлыкларның һәм ведомстволар эшенә 5 500 тапкыр  уңай яки тискәре бәя бирелде. Бу хакта бүген ТР  Министрлар Кабинетында узган киңәшмәдә ТР Премьер-министр урынбасары- Мәгълүматлаштыру һәм элемтә министры Роман Шәйхетдинов сөйләде.

Сезне “Халык контроле” дәүләт мәгълүмат системасы эшенә багышланган брифингта катнашырга чакырабыз.

Брифинг Татарстан  Республикасы Министрлар Кабинетында  11 сентябрьдә булачак. Сәгать 10:00 да  башлана.

Татарстанда СМЭВ – ведомствоара багланышлар системасы гамәлгә кергәнгә ике ай вакыт узды. Бу система гражданнарның төрле белешмәләр сорап ведомстволарга йөрүдән  азат итүгә юнәлдерелгән.  Бу арада системага 20 меңнән артык, ягъни уртача көненә 2, 5 меңгә якын мөрәҗәгать кабул ителде. 2012 елның 1 сентябренә СМЭВ та республика дәүләт органнарыннан һәм җирле үзидарә органнарыннан 2700 хезмәткәр эшләде.

Татарстан Республикасында кечкенә авыллар укучыларын мәктәпкә йөртүче 617 мәктәп автобусы ГЛОНАСС һәм ГЛОНАСС/GPS терминалларына нигезләнгән спутник системалары белән җиһазландырылды. Моның өчен бер-берсен  алмаштыра алучы “Мегафон” һәм “МТС” ААҖ лары элемтә каналлары кулланыла. Моннан тыш, ел ахырына бу мониторинг системасына тагын 20 автобус көйләнәчәк.

8 һәм 9 сентябрьдә Казан ИТ-паркы бизнес-инкубаторына сайлап алу булачак. Илнең иң яхшы технопаркы бизнес-инкубаторы резидентлары булу өчен Россиянең 10 шәһәреннән - Әлмәт, Бирск, Йошкар-Ола, Казан, Мәскәү, Түбән Новгород, Оренбург, Санкт-Петербург, Ульяновск һәм Уфа  шәһәрләреннән 50 дән артык стартап-командалар ярышачак.

Татарстанның барлык районнарында зона семинарлары узды, анда СМЭВ ведомствоара электрон багланышлар системасында эшләү күнегүләре бирелде. СМЭВ Татарстанда быел июль аенда гамәлгә керде, анда 1,2 мең  дәүләт хезмәткәре эшли.

Министрлар кабинетында узган бүгенге киңәшмәдә Татарстан Президенты Рөстәм Миңнеханов ведомствоара электрон багланышлар системасы (СМЭВ) булып та, кәгазь белешмәләр таләп итүче урындагы кешеләрне штрафка тартырга кушты.