ЯҢАЛЫКЛАР
2013 ел январенда Татарстанда кәрәзле элемтә сыйфатына шикаятьләр узган ел белән чагыштырганда ике тапкыр артты. Гражданнарны барыннан да бигрәк республика районнарында, Казан метросында кәрәзле элемтәгә, мобиль Интернетка тоташып булмау борчый.
“МегаФон” Ачык Акционерлар Җәмгыятенең Татарстандагы 10 еллык эшчәнлеге нәтиҗәләре хакында бүген компаниянең Идел буе филиалы директоры Александр Григорьев, Татарстан буенча бүлеге башлыгы Максим Нечеухин һәм “Универсиада 2013” проекты җитәкчесе Сергей Обыденников сөйләде.
Бүген РФ Федераль Җыены Федерация Советы Рәисе Валентина Матвиенко һәм ТР Дәүләт Советы Рәисе Фәрит Мөхәммәтшин Казан ИТ-паркында булды. Кунакларны ТР Премьер-министр урынбасары – Мәгълүматлаштыру һәм элемтә министры Роман Шәйхетдинов озатып йөрде һәм аларга технопарк төзү тарихы, Казан һәм Яр Чаллы мәйданчыклары эше, ИТ-белгечләр әзерләү үзенчәлекләре һәм технопаркның резидентлар сайлау вәзгыяте хакында сөйләде. Валентина Матвиенко Казанда соңгы тапкыр 100-еллыкка килгән, ИТ-паркта булганы юк икән.
ИТ-паркның Яр Чаллы мәйданчыгында эшләүче резидент “Все эвакуаторы” проектын эшләде. Бу проект web-сервис форматында Россия Федерациясенең бөтен территориясендә транспорт эвакуацияләү өчен заказлар кабул итүче ачык биржа. Башта төзелгән он-лайн биржа бик тиз үсеш алган һәм популяр булып киткән. “Тукталып калмыйча, без Shturmann навигация системасына тоташтык”, - дип сөйләде яшь ИТ-эшмәкәрләр.
Бүген Россия Экология һәм табигать ресурслары министрлыгы башлыгы Сергей Донской Казандагы эш визиты кысаларында ТР Экология һәм табигать ресурслары министры Артем Сидоров белән берлектә ИТ-паркта булды. Кунакларны Югары технологияләр өлкәсендә эшләүче “ИТ-парк” директоры Динар Насыйров каршы алды.
Бүген РФ гражданнар оборонасы эшләре, гадәттән тыш хәлләр һәм бәла-казалар нәтиҗәләрен бетерү буенча министр урынбасары Владимир Артамонов. “ГЛОНАСС+112” республика системасы белән танышты. Очрашу “ГЛОНАСС+122” системасының call-үзәкләренең берсе урнашкан ИТ-паркта узды. Владимир Артамонов Гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе җитәкчесе Рафис Хәбибуллин озатып йөрде.
11 февральдә ИТ-паркта 2012 ел йомгаклары һәм киләсе елга куелган бурычлар темасынаТР Мәгълүматлаштыру һәм элемтә министрлыгы коллегиясенең киңәйтелгән утырышы була.
8:30 сәг.тә башлана. Адресы: Петербургурамы, 52. gg@tatar.ru адресына языпаккредитация узуыгызны сорыйбыз.Аккредитация 8 февральдә 12:00 сәгатьтә тәмамлана.
Татарстан Мәгълүматлаштыру һәм элемтә министрлыгы ведомстовара электрон багланышлар системасын өзлексез эшләтү өчен бердәм сервис оештырырга тәкъдим итте. Бу хакта сишәмбе көнне Идел буе федераль округы вәкаләтле вәкиле Михаил Бабич үткәргән киңәшмәдә ТР Премьер-министр урынбасары- Мәгълүматлаштыру һәм элемтә министры Роман Шәйхетдинов хәбәр итте.
Бүген ИТ-паркта Малайзиянең XYBASE компаниясенә нигез салучы һәм аның бүгенге президенты Сухайми Әбү Хассанга республика ИТ-потенциалы тәкъдир ителде. Технопаркка кунакны Татарстан Республикасы Инвестиция үсеше агентлыгы җитәкчесе Линар Якупов алып килде. Малайзия делегациясе составында XYBASE компаниясе директоры Лим Хва Энг һәм үсеш буенча эксперт Эрман Ваххаб бар иде.
Җәйге Универсиада дирекциясе үзенеңИТ-җиһазларын «МегаФон» компаниясерегиональ мәгълүмат эшкәртү үзәгендә (рус.ЦОД) урнаштыра башлады. Бу үзәк Уеннарның резерв үзәге (рус.РЦОД) итеп сайлап алынды, дип хәбәр итте “МегаФон”компаниясе матбугат хезмәте.