Татарстан Республикасы Министрлыклары Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

ЯҢАЛЫКЛАР

гыйнвар, 2012 ел

чәршәмбе

Сергей Шубин ИТ-парк резидентларына “Сколково”га эләгү серләрен чиште

Бүген, 25 гыйнварда. ИТ-паркта “Сколково” фондының ИТ-проектлар үстерү директоры Сергей Шубин “Сколково” Инновацион үзәге резиденты булырга теләүчеләргә бу статусны алу серләрен чиште. Сергей Шубин лекциясендә ИТ-парк директоры Динар Насыйров катнашты.Пресс-үзәктә 50 дән артык ИТ-белгечләр – ИТ-парк һәм Бизнес инкубатор резидентлары җыелган иде.

Приморски крае укытучылары “Татарстан Республикасы электорн мәгариф” ситемасы белән танышты

24 гыйнварда Приморскидан килгән 20 укытучы “Татарстан Республикасы информацион технологияләр үзәге” эше белән танышты. Ерактан килгән укытучылар “Электрон мәгариф” системасы буенча укыдылар, ИТ-паркта булдылар.

гыйнвар, 2012 ел

дүшәмбе

Күпбалалы гаиләләр җир участогы алу өчен гаризаны Дәүләт хезмәтләре порталында электрон рәвештә бирә ала

Хәзер Дәүләт хезмәтләре порталында күпбалалы гаиләләр тиешле җир участогы алу өчен гариза биреп, аның ничек каралуын тикшереп тора ала. Портал хезмәтеннән файдалану өчен, гаилә турында биремнәрне тутырып, җирнең ни рәвештә файдаланачагын сайлап алырга кирәк.

ИТ-паркта информатика буенча мәктәп олимпиадасы булды

Бүген, 21 гыйнварда, ИТ-паркта информатика буенча 2011-2012 уку елының Бөтенроссия укучылар олимпиадасы булды. Олимпиада оештыручыларның берсе – ТР Мәгариф һәм фән министрлыгы. Олимпиадада республиканың барлык районнарыннан җыелган 74 укучы катнашты. Алар барысы да информатика буенча район һәм муниципаль олимпиадалар җиңүчеләре һәм призерлары.

декабрь, 2011 ел

җомга

Татарстанда 2012 елда операторлар 1,5 мең км җир өсте элемтә линияләрен җир астына күчерәчәк

Татарстан Республикасында ярты елда 171,2 км озынлыктагы җир өсте элемтә линияләре җир астына төшерелгән.Җир астына төшерелгән элемтә линияләренең 64 км ы -Казанга, 21 км ы- Чаллыга туры килә. Казанда закон бозу очракларында 302 карар кабул ителгән, юридик затларга 32,2 млн сумга административ штраф салынган. Бу хакта бүген ТР Премьер-министры урынбасары-мәгълүматлаштыру һәм элемтә министры Николай Никифоров видеоконференция режимында узган республика киңәшмәсендә сөйләде.

декабрь, 2011 ел

пәнҗешәмбе

Татарстанда яшәүчеләр 90 төр дәүләт хезмәтләре электрон рәвештә ала ала

2011 елда Татарстанда дәүләт һәм муниципаль хезмәтләр электрон формада 10 млн тапкыр күрсәтелгән. Әлеге мәгълүмат бүген ТР Министрлар Кабинетында Премьер-министр Илдар Халиков рәислегендә узган киңәшмәдә яңгырады. Ул дәүләт хезмәтләрен электрон юл белән күрсәтү мәсьәләләренә багышланган иде.

РФ Хисап палатасында югары технологияләр өлкәсендә эшләүче технопарклар төзү программасы бары тик Татарстанда гына уңышлы тормышка ашты дип саныйлар

РФ Хисап палатасы Югары технологияләр өлкәсендә эшләүче технопарклар төзү программасы буенча эшләүче Россиянең 9 регионы арасында бер Татарстан гына бу программаны вакытында, аз чыгымнар белән башкарып чыкты, дигән нәтиҗә ясады.

декабрь, 2011 ел

пәнҗешәмбе

Яңа туган баланы хәзер uslugi.tatarstan.ru порталында электрон рәвештә яздырып була.

Uslugi.tatarstan.ru порталында ата-аналар өчен яңа төр хезмәт барлыкка килде.Хәзер яңа туган баланы теркәү өчен ЗАГСка барырга кирәк түгел. Баланы теркәү турында гариза бирү, атасын аныклау өчен гариза бирү, пошлина түләү һәм документ алу өчен язылу – барысы да электрон рәвештә эшләнә.

декабрь, 2011 ел

чәршәмбе

«Булгария» һәлакәте вакытында коткару эшләрендә катнашкан элемтәчеләр бүләкләнде

Бүген ИТ-паркта «Булгария» һәлакәте вакытында коткару эшләрендә катнашкан элемтә һәм мәгълүматлаштыру өлкәсе хезмәткәрләре бүләкләнде. Бу чарада ТР Мәгълүматлаштыру һәм элемтә министры беренче урынбасары Юрий Багров, РФ буенча Татарстан Республикасы гражданнар оборонасы эшләре һәм гадәттән тыш хәлләр министрлыгы идарәсе башлыгы Таһир Кәлимуллин, “МегаФон” компаниясенең Иделбуе филиалы региональ бүлеге директоры Игорь Азуров, “”ВымпелКом” компаниясе Казан филиалы директоры Андрей Юдов һәм “Таттелеком” компаниясе генераль директоры беренче урынбасары Денис Улесов катнашты.

декабрь, 2011 ел

сишәмбе

Сайлау кампаниясе барышы белән online режимда интернет аша күзәтеп булачак

Татарстан Республикасында 3 меңгә якын сайлау участогында интернетка турыдан-туры трансляция алып барырга мөмкинлеге булган видеокүзәтү камералары урнаштырылачак. Россия Хөкүмәте башлыгы Владимир Путин кушкан бу эшнең ни рәвештә тормышка ашырылачагы хакында Россиянең барлык регионнары катнашында узган селектор киңәшмәсендә тикшерелде. Киңәшмәне РФ Элемтә һәм массакүләм коммуникацияләр министры урынбасары Наум Мардер алып барды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ