Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы

Сергей Шубин ИТ-парк резидентларына “Сколково”га эләгү серләрен чиште

2012 елның 25 гыйнвары, чәршәмбе

Бүген, 25 гыйнварда. ИТ-паркта “Сколково” фондының ИТ-проектлар үстерү директоры Сергей Шубин “Сколково” Инновацион үзәге резиденты булырга теләүчеләргә бу статусны алу серләрен чиште. Сергей Шубин лекциясендә ИТ-парк директоры Динар Насыйров катнашты.Пресс-үзәктә 50 дән артык ИТ-белгечләр – ИТ-парк һәм Бизнес инкубатор резидентлары җыелган иде.

“Сколково” фондының ИТ-проектлар үстерү буенча директоры очрашуда катнашучыларга резидент булу һәм 300 миллион сумга кадәр грант алу мөмкинлекләрен аңлатты. Башта ул “Сколково” проектына катнашу өстенлекләрен сөйләде.

“Башта сезгә сайтта анкета тутыру да җитә. Безнең югары квалификацияле экспертларыбыз бар, аларның 30 % чит илдә яшәүчеләр, һәм алар барысы да сезнең мөмкинлекләрегезне ачыкларга тели”.

Экспертлар коммерцияләштерү, партнерлар челтәре булу-булмавы кебек нюансларга игътибар итүен кисәтте.Мисал өчен Сергей Шубин Сколковода эшләүче типик инновацион компания портретын күрсәтте.Залдан бирелгән сорауларга җавап бирде.

Исегезгә төшерәбез, иртәгә, 26 гыйнварда Сергей Шубин кабат Бизнес-инкубатор резидентлары белән очрашулар үткәрәчәк. Монда проектлар презентациясе, аларны экспертлау һәм рекомендацияләр бирү булачак.

ТР Мәгълүматлаштыру һәм элемтә министрлыгы матбугат үзәге

БАРЛЫК ЯҢАЛЫКЛАРНЫ УКУ