ЯҢАЛЫКЛАР

Бүген Татарстан Республикасы Президенты Рөстәм Миңнеханов Иннополис шәһәрен үстерү мәсьәләләре буенча киңәшмә уздырды. Киңәшмә эшендә Россия Федерациясе Элемтә һәм массакүләм коммуникацияләр министры  Николай Никифоров та катнашты.

Бүген Томск шәһәрендә РФ Федераль Җыены каршындагы Законнар чыгаручылар советының Мәгариф һәм фән комиссиясе белән Россия Инновацион төбәкләре ассоциациясе Законнар буенча комитетының уртак утырышында, Россия инновацион төбәкләре ассоциациясе әгъзалары арасыннан беренче тапкыр буларак, республикабыз тәҗрибәсе белән таныштырылды. Чарада Дәүләт Советы Рәисе Фә­рит Мөхәммәтшин, ТР Премьер-министры урынбасары – мәгъ­лүмат­лаштыру һәм элемтә минис­тры Роман Шәйхетдинов катнашты.

10 апрель көнне "ИТ-парк" югары технологияләр технопаркында «Digital Start» ИТ-проектларның финалы узачак. Конкурс ТРның Мәгълүматләштерү һәм Элемтә министрлыгы һәм "ИТ-парк" белән берлектә оештырыла. 

1 апрельдән 30нчы майга кадәр "Халык контроле" сервисы ярдәмендә югары һәм урта белем бирү йортлары студентлары санкцияләштерелмәгән чүплекләр турында мәгълүмат тарату акциясендә катнаша ала. 

Татарстан Республикасы Президенты каршындагы кадрлар сәясәте сораулары буенча уздырылган Совет нәтиҗәсендә 15 дәүләт хезмәткәрен мактау тактасына кертәчәкләр. Иң яхшылар исемлегенә ТРның Мәгълүматләштерү һәм элемтә министрлыгыннан үсеш хезмәтләре бүлеге мөдирек Лилия Әхмәдуллина керде. 

Иннополис Университеты хезмәткәрләре тискәре темпратура һәм начар күренеш шартларында пилотсыз очкычны сынадылар. Дрон бер сәгать эчендә почта йөген 38 км аша тапшырды һәм кире кайтты. 

31 март көнне IT-паркта икенче «Робосабантуй 2018» Балалар Идел буе робототехника фестивале узды. Анда 5-12 яшьлек 140 бала катнашты. Фестивальнең географиясе дә киңәя. Калмыкия, Башкортостан, Мари Иле, Чуашия республикаларыннан, Киров өлкәләреннән килүчеләр дә бар.

Казанның мәгълүмати технологияләр һәм элемтә техникумы базасында ИТ-иҗат буенча «IT-cube» балалар клубы эшли башлады. 

КФУның ИТИС югары мәктәбе укучыларны һәм аларның әти-әниләрен ачык ишекләр көненә чакыра.

Казанның мәгълүмати технологияләр һәм элемтә техникумы ИКТ-белгечләр өчен 3 көнлек укыту семинары уздыра.