ЯҢАЛЫКЛАР

Россия венчур компаниясе ел саен үткәрелә торган «ТехУспех — 2018» милли рейтингын формалаштыру өчен гаризаларны җыю башлану турында игълан итә. Россия икътисадый үсеш министрлыгының «Милли чемпионнары» проекты кысаларында ярдәмен 30 катнашучы компания алачак.

Бүген ТР Президенты Рөстәм Миннеханов һәм РФ Икътисад үсеше министры урынбасары Шипов Савва Казанның Совет районында (Җиңү пр., 214 нче йорт) урнашкан Яңа күп функцияле үзәктә (КФҮ) булдылар. Әлеге бүлекне исәпкә алып, Татарстанда инде 54 КФҮ халыкка дәүләт һәм муниципаль хезмәтләр күрсәтә.

Татарстан Республикасында санлы эфир телевизион тапшырулар челтәре төзелеше тәмамланды. 2019 елның гыйнвар аенда ул аналог  телевидениене тулысынча алыштыра алачак. Санлы ТВ – бу артык югары сыйфатлы сигнал, аны заманча телевизорларга да, шулай ук махсус санлы приставка файдаланып, иске модельләргә дә тоташтырырга була. Ул 20 төп федераль телеканалны бушлай карарга мөмкинлек бирә.

Люксембург университеты эшләүчеләре төзегән Luxair компаниясе Qtrobot роботын тәкъдим итте. Җайланма аутист балаларның үсеше турында мәгълүматлар җыя һәм бу аны табибларга хәбәр итә алачак.

Татарстан Республикасының президенты Рөстәм Миннеханов №262 боерыгына кул куйды. Аның нигезендә Татарстанда 12 юнәлеш буенча милли һәм федераль проектларны (шулар арасында демография, сәламәтлек саклау, мәгариф, фән һәм башкалар) гамәлгә ашыруда җаваплы кураторлар һәм башкаручылар билгеләнде. Татарстанда санлы икътисад үсеше проектын ТР Премьер-министры урынбасары – Мәгълүматлаштыру һәм элемтә министры Роман Шәйхетдинов алып барачак.

Татарстанлылар «Халык инспекторы» мобиль кушымтасы белән актив файдалана, ул, исегезгә төшерәбез, юлларда аварияләрне киметү өчен, ТР Мәгълүматлаштыру һәм элемтә министрлыгы тарафыннан эшкәртелде. «Халык инспекторы» ярдәмендә кулланучылар мобиль кушымтаны гамәлгә керткәннән бирле юл хәрәкәте кагыйдәләрен бозу очракларын теркәүче 182 меңнән артык видеоматериал җибәрделәр. Исегезгә төшерәбез, әлеге гаризалар нигезендә ТР ЮХИДИ бозучыларны административ җаваплылыкка җәлеп итү турында карар кабул итә.

Южно-Сахалинскта 8 нче июльдән 12 нче августка кадәр узган «Яшь профессионаллар» (WorldSkills Russia) VI Илкүләм чемпионаты җиңүчеләренең исемнәрен игълан иттеләр. Катнашучылар үзләренең осталыкларын 63 компетенциядә күрсәттеләр. Татарстаннан җиде ИТ-компетенциядә катнашучылар беренче биш һәм бер өченче урын яуладылар.

Бүген Иннополис университеты һәм Казахстан Республикасы Алматы өлкәсе хезмәттәшлек турында килешүгә кул куйдылар. Яклар фәнни-белем бирү даирәсен бергә үстерергә килештеләр. Документка ИТ-югары уку йорты директоры Кирилл Семенихин һәм Алматы өлкәсе хакиме урынбасары Омар Жаксылык үз кулларын куйдылар.

Еш кына картлык яки инвалидлык, яки социаль пенсия буенча дәүләт һәм хезмәт пенсиясен алучы гражданнарга пенсия күләме турында белешмәне күрсәтергә кирәк. Татарстанлылар әлеге мәгълүматны ТР Дәүләт хезмәтләре порталында карый ала.

Бүген ТР Премьер-министры урынбасары – Мәгълүматлаштыру һәм элемтә министры Роман Шәйхетдинов Югары Ослан муниципаль районы Моркваши авылында «Елмаю» яңа балалар бакчасының тантаналы ачылышында катнашты.