ЯҢАЛЫКЛАР
Әлмәттә «Кванториум» балалар технопаркы базасында Яшьләр инновацияле иҗаты үзәкләренең VI Бөтенроссия конференциясе кысаларында «Агрохофестиваль» Бөтенроссия робот техникасы бәйгесе узды.
Казандагы Югары технологияләр өлкәсендә «ИТ-парк» технопаркында узган ялларда бизнес-инкубаторга 31 стартап-проектларны сайлап алу тәмамланды. Сайлап алуда катнашуга 140 гариза бирелгән иде, шуларның 36сы шорт-листка узды. Алар экспертлар алдында үз проектларын тәкъдим иттеләр.
Беренче яртыеллыкта Татарстан Республикасында дәүләт сатып алулары алып барыла торган «Электрон кибет» төбәк мәгълүмат системасында заказчылар сатып алулар үткәрү турында 23 мең хәбәр урнаштырганнар, аларның нәтиҗәләре буенча 64,8 млрд.сумлык 47 меңнән артык контракт төзелгән. Сату нәтиҗәләре буенча гомуми экономия 1,5 млрд.сумны тәшкил итә.
Бүген ТР Мәгълүматлаштыру һәм элемтә министрлыгында ТР Премьер-министры урынбасары – Мәгълүматлаштыру һәм элемтә министры Роман Шәйхетдинов рәислегендә тармак предприятиеләре белән киңәйтелгән киңәшмә узды. Аерым алганда, төп икътисадый күрсәткечләр һәм Министрлык эшчәнлегенең төп юнәлешләре буенча нәтиҗәләр китерелде.
Август ахырында «Рәсми Татарстан» порталы (tatarstan.ru) Creative Commons Attribution 4.0 International ирекле лицензиясенә күчте. Хәзер планетаның закон тыңлаучан гражданнары, килешүләрсез һәм лицензияле түләүләрдән башка, бу сайтлардан текстлар кулланып, тиешле атрибуция — авторның чыганак һәм лицензия бирү шарты белән, теләсә кайсы илдә Татарстан турында теләсә кайсы телдә яза ала.
Бүген Әлмәт балалар шәһәр хастаханәсе хатын-кызлар консультациясенә бару кысаларында ТР Президенты Рөстәм Миннехановка, нефть башкаласы медицина учреждениеләрендә инде кулланыла торган, телемедицина мөмкинлекләре тәкъдим ителде. Цифрлы фельдшер-акушерлык пункты (ФАП) эше демонстрациясендә Президент белән бергә шулай ук Татарстаннның Премьер-министры урынбасары – Мәгълүматлаштыру һәм элемтә министры Роман Шәйхетдинов та булды.
Бүген, 1 нче сентябрьдә, мәктәп укучылары, студентлар, укытучылар һәм уку-укыту процессына мөнәсәбәте булган барлык кеше халыкара Белем көнен үткәрә. Без барлык кешене әлеге күркәм бәйрәм белән котлыйбыз, бигрәк тә мәгълүмати технологияләр өлкәсендә белем алучы укучыларны!
2018 елның 22-23 сентябрендә Казанда бөтен Россия буенча эшләүчеләрнең бәйсез командалары өчен хакатон узачак — Digital SuperHero HackDays. 48 сәгать эчендә катнашучылар сервисларның прототипларын булдырырга тиеш булачак.
Татарстанда Яндекс.Лицейга яңа җыелма башланды. Бу – программалаштырырга өйрәнергә теләгән мәктәп укучылары өчен түләүсез курслар. Яндекс.Лицейга керү өчен 9 нчы сентябрьгә кадәр yandexlyceum.ru сайтында анкета тутырырга һәм онлайн-тест үтәргә кирәк. Башкарып чыгучы кешеләр әңгәмәгә чакыру алачак.
1-2 нче октябрьдә Казанда Интернет әйберләрнең технологиясе буенча Бөтендөнья цифрлы саммиты (IoTWorldSummitRussia) узачак, анда Россия, АКШ, Европа һәм Азия яңа цифрлы технологияләрен гамәли куллану өлкәсендә дөнья лидерлары очрашачак һәм IoT һәм IIoT, М2М коммуникацияләр, аналитиклар зур мәгълүматлар, ясалма интеллект, машина белән һәм тирән уку, киберкуркынычсызлык һәм блокчейн өлкәсендә алдвнгы хәл итүләр булачак.