ЯҢАЛЫКЛАР
ТР мәгълүматлаштыру һәм элемтә министрлыгы Халыкара ЭРТИКО комитетына Казан шәһәренең интеллектуаль транспорт системалары буенча Ауропа конгрессын урнаштыру өчен мәйдан булуга гаризә әзерли. Әлеге чара 2016 елда уздырылачак. Шулай ук Министрлык Халыкара ЭРТИКО комитетына керергә гаризә җибәрде.
Г.Камал исемендәге театрның билет кассасында “Электрон Татарстан” инфоматы урнаштырылды. Инфомат ярдәмендә теләгән кеше үзаллы кызыксындырган чарага билет сатып алала.
Татарстан Республикасы Мәгълүматлаштыру һәм элемтә министрлыгы 2014 елның 21 апрелендә 01:56 - 11:45 сәгать кысаларында “Ямал-201” Элемтә космик спутнигында профилактик эшләр башкарылуы турында хәбәр итә.
2014 елның 18 апрелендә сәгать 10.00нан 12.00гә кадәр Татарстан Республикасы Мәгълүматлаштыру һәм элемтә министрлыгы ТР гадәттән тыш хәлләр министрлыгы белән беррәттән татарстанлыларны гадәттән тыш хәл турында экстрен рәвештә белдерү буенча тикшеренүләр үткәрәчәк.
Татарстан Республикасы дәүләт һәм муниципаль хезмәтләр Порталында uslugi.tatarstan.ru мәктәп укучылары булган әти-әниләр баланың көндәлеген карап, өлгерешен һәм мәктәптә булу/булмавына смс-хәбәргә языла ала. Әлеге хезмәт моңа кадәр “ТР электрон мәгариф” системасында бар иде.
Күпфатирлы йортларда капиталь ремонт уздыру татарстанлылар өчен мөһим сорауларның берсе булып тора. Дәүләт хезмәтләр Порталы uslugi.tatarstan.ru кулланучылар “Халык контроле” системасына капиталь ремонт эшләрен уздыру үтенече белән зарланулар еш җибәрелә. Бу елны әлеге тематика буенча 255 мөрәҗәгать килгән.
Бер ай эчендә республикакүләм «IT-чемпион» бәйгесенә 50 меңнән артык укучы кушылган.
Бүген Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов Татарстан Президенты Рөстәм Миңнеханов белән Гонконгның фәнни-технологик паркында булды (Hong Kong Science and Technology Park). Татарстан Республикасы делегациясе вәкилләренә паркның мөмкинлекләре һәм аның алга таба үсеш перспективалары турында хәбәр иттеләр. Сорауларга Гонконгның фәнни-технологик паркы вице-президенты Бен Луи җавап бирде. Әлеге парк Гонконгта 2001 елда ачылган. Ул 22 га җирдә бизнес өчен инфраструктура тәкъдим итә һәм 330 мең кв. метрлык фәнни-тикшеренү өчен биналардан тора.
Бүген “Халык контроле” Дәүләт мәгълүмат системасы республикада яшәүчеләр арасында актуальләшә һәм популярлаша, бу мөрәҗәгать итүчеләр саны буенча да билгеле. Бу хакта бүген ТР Премьер-министры Илдар Халиков ТР Хөкүмәт йортында узган киңәшмәдә белдерде.
2014 елның беренче кварталында электрон рәвештә 187,2 мең тапкыр табибка чиратка язылганнар, шуларның 57,9 меңе - Татарстан Республикасы дәүләт һәм муниципаль хезмәтләр Порталы аша, 48,7 меңе – электрон чират терминаллары аша, 80,5 меңнән артык язылу – табиб аша (кабат язылу очракларында).