ЯҢАЛЫКЛАР
Республика халкына «Халык контроле» сервисында яңа мөрәҗәгать категориясе кабул ителде - хәзер анда цифрлы телевидениегә күчүгә кагылышлы сораулар бирергә мөмкин. Татарстан Республикасы 2019 елның 3 нче июнендә цифрлы эфир телетапшыруына тулысынча күчәчәк.
Бүген Яр Чаллы мэриясендә "Эшлекле дүшәмбе" киңәшмәсендә Яр Чаллыда ИТ-парк эше турында фикер алыштылар. Шәһәр мэры Наил Мәһдиев бизнеска ИТ-парк резидентлары эшләнмәләрен өйрәнергә тәкъдим итте.
"Иннополис" махсус икътисадый зонасы һәм McFly.аero халыкара альянс аэротакси нигезендә яңа транспорт системаларын эшләү һәм гамәлгә кертү буенча уртак эш турында килештеләр. Бүген Иннополиста McFly.aero белән Иннополис арасында хезмәттәшлек перспективалары темасына түгәрәк өстәл барышында тиешле меморандум имзаланды. Очрашуда «Иннополис» МИЗ вәкилләре, аэротакси эшләүчеләр, махсус икътисадый зона резидент-компанияләре, шәһәр мэриясе вәкилләре катнашты.
Казан ИТ-паркы үзенең мәйданчыгында Мәгълүмати технологияләр өлкәсендәге проектларны үстерү программасын кабул итәчәк. Чара берничә модульне үз эченә ала: нейрохакатон, эксперт консультацияләре һәм проектлар буенча эш.
Татарстан Республикасы дәүләт һәм муниципаль хезмәтләр Порталында «Уңайлы шәһәр мохите формалаштыру» программасы һәм Татарстан Республикасы җәмәгать киңлекләрен үстерү программасы кысаларында беренче чиратта төзекләндереләчәк парклар, скверлар, мәйданнар, урамнар һәм башка территорияләрне сайлау буенча онлайн-сораштыру эшли башлады.
1 һәм 2 апрель көннәрендә Яр Чаллыда перспективалы инновацион проектлар эзләү буенча Россиядә һәм БДБда иң зур булган Open Innovations Startup Tour төбәк этабы узачак. Стартаплар конкурсында катнашучылар 300 мең сум күләмендә акчалата бүләк өчен көрәшәчәк.
2019 елның 16 нчы мартында ТАССРның Җитештерү-техник элемтә идарәсе башлыгының кадрлар буенча урынбасары Федоров Геннадий Петрович, 1991-1991 елларда – ТССР «Элемтә һәм информатика» дәүләт предприятиесе башлыгы урынбасары, 1993-1993 елларда – Татарстан Республикасы элемтә министры урынбасары Федоров Геннадий Петрович 83 нче яшендә вафат булды.
"Иннополис" махсус икътисадый зонасы идарәче компаниясенең бурычы - МИЗда үз проектларын гамәлгә ашыручы яңа компанияләргә ярдәм итү һәм Татарстан җитәкчелеге бу эштә кирәкле ярдәмне күрсәтергә әзер. Бүген бу хакта Татарстан Республикасы Президенты Рөстәм Миңнеханов Махсус икътисадый зонаның Күзәтчелек советы утырышында хәбәр итте.
Яр Чаллының ИТ-паркында 15 һәм 16 март көннәрендә уйлап табучылар өчен «Читстартер» конкурсы узды. Финалда тугыз команда ике көн эчендә эшләнгән төрле җайланмаларның прототипларын эшләүче экспертларга күрсәттеләр. Чараны оештыручылар - ИТ-парк һәм «Кванториум» технопаркы.
Казан ИТ-паркында Бизнес-инкубаторга 33 сайлап алу узды. Эксперт жюрие карары буенча 11 ИТ-проект яңа резидентлар булды. Сайлап алуда катнашу өчен Россиянең төрле шәһәрләреннән 130га якын гариза бирелде, шуларның 32се турыдан-туры этапка уза алды.