ЯҢАЛЫКЛАР
Бүген «Казан Экспо» Халыкара күргәзмә үзәгендә ТАССР төзелүнең 100 еллыгына багышланган «Геодезия һәм геомәгълүмат системаларының актуаль мәсьәләләре» IX фәнни-гамәли конференциясе уза. Чара "Татарстан нефть-газ химиясе форумы" кысаларында үткәрелә.
Бүген Татарстанның цифрлы үсеш министры Айрат Хәйруллин Әлмәттә 26нчы Инженер лицее – яңа инновацион мәктәп ачу тантанасында катнашты. Цифрлы ведомство башлыгы укучыларны һәм укытучыларны яңа уку елы башлану белән шәхсән котлады һәм республиканың ИТ-паркларында бушлай уку өчен сертификатлар тапшырды.
Белем көнендә Яр Чаллыда «Кванториум» балалар технопаркы педагоглары Татарстанның 690 укучысына югары технологияләр өлкәсендәге кызыклы проектлар турында сөйләделәр һәм булачак ИТ-ярышларда катнашырга чакырдылар.
Бүген, Белем көнендә, Казан, Иннополис, Яшел Үзән, Лаеш, Әлмәт, Түбән Кама һәм Яр Чаллы районнарыннан 500 дән артык укучы үзенең шәхси цифрлы ярдәмчесе - «Мин - мәктәп укучысы» суперсервисы белән таныша башлады. Ай дәвамында алар яңа мобиль кушымтаны тикшереп, эшләүчеләргә кире элемтә бирәчәк.
21-24 сентябрьдә KAZAN DIGITAL WEEK-2020 халыкара форумы узачак, ул бер онлайн-мәйданчыкта Бөтен дөньядан ИТ-өлкәнең йөзләгән экспертларын җыячак. Форум кысаларында панель дискуссияләр, түгәрәк өстәлләр, техник турлар һәм күргәзмәләр, нетворкинг-клуб узачак. Форумда катнашу бушлай.
Узган җомгада Татарстан Республикасына визит белән Саратов өлкәсенең Цифрлы үсеш һәм элемтә министрлыгы делегациясе килде.
Татарстан Республикасы Президенты Рөстәм Миңнеханов РТПҮ директоры урынбасары Ленар Әхмәт-Гәрәевка «Татарстан Республикасының атказанган мәгълүматлаштыру һәм элемтә хезмәткәре» дигән мактаулы исем бирде.
1 сентябрьдән башлап күп функцияле үзәкләрнең барлык 59 офисында республика халкы банкротлыкны судтан тыш тәртиптә тану турында гаризалар бирә алачак. Хезмәт бушлай күрсәтелә.
Яндекс.Лицей - илнең иң эре IT-компанияләреннән берсе булган мәктәп укучылары өчен программалаштыру буенча түләүсез курс. Керү өчен 30 августтан 10 сентябрьгә кадәр yandexlyceum.ru проекты сайтында логик фикер йөртә белүгә тест язарга, ә аннары Яндекс.Лицейның укытучысы белән әңгәмә узарга кирәк.
30 августта Татарстан АССР оешуга 100 ел тулу уңаеннан РТРСНЫҢ берьюлы өч телебашнясында – Түбән Кама һәм Казан шәһәрләрендә, шулай ук Мәскәүдәге Останкино телебашнясында Татарстан Республикасы флагы кабыначак.