2020 елның 9 аенда "Халык контроле"нә татарстанлылардан 60 мең гариза кергән
Агымдагы елның 9 ае нәтиҗәләре буенча «Халык контроле» системасына 60 меңнән артык мөрәҗәгать килгән. Республикада яшәүчеләр 250 меңнән артык комментарий калдырдылар һәм 26 500 гә якын бәя куйдылар.
«Халык контроле» системасы Татарстан территориясендә 2012 елдан бирле эшли. Аның мөмкинлекләре аркасында гражданнар һәм Дәүләт торак-коммуналь хуҗалык, сәламәтлек саклау, төзекләндерү һ. б. өлкәләрдәге мәсьәләләрне хәл итү өчен нәтиҗәле хезмәттәшлек итә ала.
2020 елның 9 аенда системага 60 меңнән артык мөрәҗәгать кергән, шуларның 44 835 белдерү уңай хәл ителгән, бу барлык гаризаларның 74% ын тәшкил итә. Күрсәтелгән чорда 250 меңнән артык комментарий һәм 26 500гә якын бәя алынган.
Җәй айларында татарстанлылар аеруча актив булган: июль - 13 272, июнь - 13 089, август - 12 692 мөрәҗәгать.
Хәл ителгән гаризалар саны буенча түбәндәге шәһәрләр һәм муниципаль районнар лидер булып чыкты:
- Казан
- Яр Чаллы
- Әлмәт районы
- Түбән Кама районы
- Лениногорск районы
- Бөгелмә районы
- Яшел Үзән районы
Бүген Татарстанлылар «Халык контроле» системасы аша 61 категория буенча хәбәрнамәләр бирә алалар. Гадәттәгечә, иң күп гаризалар түбәндәге категорияләр буенча керә:
- территорияне төзекләндерү - 26976
- муниципаль юлларны карап тоту һәм ремонтлау - 12035
- тышкы рекламада тәртип бозу - 3716
- юл хәрәкәтен оештыру - 3584
- торак-коммуналь хезмәтләр - 3245
Системада шулай ук коррупция фактлары турында хәбәр итү өчен 17 махсус категория бар. Татарстан Республикасы Цифрлаштыру министрлыгы башлыгы Айрат Хәйруллин «Халык контроле» республика халкына иҗтимагый тормыш проблемалары турында хәбәр итәргә, аларның чишелешләренең барышын күзәтергә һәм хакимият органнары эшен бәяләргә мөмкинлек бирә, дип берничә тапкыр билгеләп үтте. "Бүген хакимият органнары эшенә санлы карарлар кертү дәүләт һәм муниципаль учреждениеләр эшенең ачыклыгына һәм җәмгыятьтә коррупцион күренешләрне киметүгә ярдәм итә", - дип ассызыклады министр.