ЯҢАЛЫКЛАР
Татарстаннан 60тан артык яшь модельче Чаллы шәһәренең «Кванториум» ында 3D-технологияләр буенча VIII Ачык Бөтенроссия олимпиадасының төбәк сайлап алу этабында 3D-модельләштерүдә үз белемнәрен һәм осталыкларын күрсәтергә җыелды.
Татарстан Мәгълүмати технологияләр үзәге вәкилләре Татарстан Республикасы Хөкүмәте делегациясе составында «Инфофорум-2023» юбилей илкүләм мәгълүмат куркынычсызлыгы форумында катнаштылар. Ул 7-8 февральдә Россия Федерациясе Иминлек Советы Аппараты, Дәүләт Думасы, Россия Федерациясе Цифрлы үсеше министрлыгы, Россия Федераль куркынычсызлык хезмәте, Россия ФСТЭК, Россия Оборона министрлыгы һәм башкалар ярдәмендә узды.
Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин 13 февральдә Лениногорск шәһәрендә эшлекле сәфәрдә булды.
Февральдә Россиядә кояш интерференциясе чоры башлана. Бу вакытта кояш, элемтә спутнигы һәм җир өсте спутник станциясенең антеннасы бер сызыкка тезелә, бу спутниктан телерадиоканалларны кабул итү сыйфатының өлешчә начарлануына китерә.
Компетенцияләр төбәкара үзәге - Казан мәгълүмати технологияләр һәм элемтә техникумында 9 февраль көнне ел саен үткәрелә торган «Киләчәк монда сайлана» вакансияләр ярминкәсе узды — ул IT-технологияләр һәм телекоммуникация өлкәсендә эшләргә, укырга һәм карьера төзүне дәвам итәргә әзер техникум студентлары һәм чыгарылыш сыйныф укучылары өчен эш, стажировка, югары уку йортын эзләүнең тиз һәм нәтиҗәле ысулы булып тора.
Гыйнварда «IT-Планета 2023» мәгълүмати технологияләр өлкәсендә XIV халыкара олимпиадада катнашучыларны теркәү башланды, ул 2023 елның 28 февраленә кадәр ярышларның рәсми сайтында узачак.
9 февральдә «Почта элемтәсе» бүлекчәсенең 311 төркем студентлары, укытучы Эльвира Баһаутдинова озатуында, «Татарстан Почтасы» почта хезмәте филиалының укыту үзәге белән берлектә, Казан логистик почта үзәгендә булдылар. Үзәк җитәкчесе Светлана Коршунова үткәргән кызыклы экскурсия алдыннан булачак белгечләр алдында «Татарстан почтасы» почта хезмәте филиалының кадрлар һәм социаль мәсьәләләр буенча директор урынбасары Наталия Албутова чыгыш ясады.
9 февральдә Чистайда «TATAR HACK» цифрлы карарлар эшләү буенча 26нчы республика конкурсы узды.
МТС, цифрлы экосистема һәм «Смешарики» анимацион сериалы («Рики» ДК) «Поколение М» МТСның бөтенроссия хәйрия проекты кысаларында цифрлы сәнгать буенча бушлай онлайн белем бирү курсын эшләтеп җибәрделәр. Онлайн курс балаларга NFT технологиясе белән танышырга һәм 3D форматта үз сәнгать объектын булдырып, IT-өлкәдә беренче адымнар ясарга мөмкинлек бирәчәк.
Казан-Tele2, Россия мобиль элемтә операторы һәм Татарстан Республикасының Цифрлы трансформация үзәге «Билгеләр өчен Мегабайтлар» проектын башлап җибәрәләр. Әлеге проектның илдә тиңдәше юк һәм ул республика укучыларын яхшы укыганнары өчен дәртләндерүгә юнәлдерелгән. Проектта оператор һәм «Мин – мәктәп укучысы» мобиль кушымтасыннан файдаланучы барлык урта белем бирү учреждениеләре укучылары катнаша ала.