ЯҢАЛЫКЛАР
Күп функцияле үзәкләрнең барлык 59 бүлекчәләрендә 11-13 сентябрьдә узачак сайлауларда катнашу урыны буенча тавыш бирү өчен гаризалар кабул ителә башлады. Мондый гаризаны республика халкы 8 сентябрьгә кадәр тапшыра ала.
Бүген Татарстан Республикасының Цифрлы үсеш министры урынбасары Альберт Яковлев РТРС РТПЦ хезмәткәрләренә Татарстан АССР төзелүгә 100 ел тулу уңаеннан истәлекле билгеләр тапшырды.
DIGITAL SUPERHERO – "Fintech & Security Superhero" масштаблы сериясенең икенче виртуаль хакатоны инде 1 августта ук старт ала. Җиде көн дәвамында 200 дән артык проект эшләүчеләр командасы 700 мең сумлык приз фондына ия булу өчен Финтех һәм киберкуркынычсызлык өлкәсендәге актуаль мәсьәләләрне хәл итәчәк. Хакатон ачылышының турыдан-туры трансляциясе 13:30 сәгатьтә YouTube-каналында башланачак.
КФУның мәгълүмати технологияләр һәм интеллектуаль системалар Югары мәктәбендә «Системалы аналитик» дигән бушлай белем бирү онлайн-курсына тыңлаучыларны җыялар. Проект «Ак Барс Цифрлы технологияләр» белән берлектә тормышка ашырыла. Курс тәмамланганнан соң, тыңлаучылар АБЦТка эшкә урнаша алачаклар.
Al & Data кулланып глобаль социаль мәсьәләләрне хәл итү буенча халыкара конкурста 31 августка кадәр катнашырга мөмкин. Виртуаль ярыш нәтиҗәләре буенча иң яхшы ИТ-проектлар 1 500 000 сумлык приз фонды белән бүләкләнәчәк.
Республиканың югары уку йортларында кабул итү кампаниясе дәвам итә. Килеп туган эпидемиологик хәлне исәпкә алып, Россия почтасына документлар җибәрү иң куркынычсыз ысулларның берсе булып тора.
Безнең санлы команда халыкка уңайлы булсын өчен дәүләт хезмәтләре порталын камилләштерү өстендә эшне туктатмый. Татарстанлыларның күп санлы соравы буенча хәзер порталда ведомстводан тыш сак хезмәте өчен онлайн түләргә мөмкин. Барлык түләү процессы нибары берничә минутны гына алачак.
Бүген, 28 июльдә, 11:00 сәгатьтә, KAZAN DIGITAL WEEK – 2020 халыкара форумына әзерлек кысаларында "Яңа заман Киберкуркынычсызлык " дүртенче вебинары узачак. Анда катнашу бушлай. Турыдан-туры трансляцияне Форумның рәсми сайтында карарга мөмкин.
"КАМАЗ" һәм "Россия Почтасы" ниятләр турында килешүгә кул куйдылар: Россия йөк машинасы лидеры почта компаниясен 400гә якын автотехника белән тәэмин итәчәк.
Компьютер грамоталылыгы буенча "Интернетка рәхмәт - 2020" VI Бөтенроссия шәхси казанышлары конкурсында катнашу өчен гаризалар кабул итү дәвам итә. Бүгенге көндә республиканың 66 кешесе ИТ өлкәсендәге уңышлары белән уртаклашты.