4 KAZAN DIGITAL WEEK-2020 түләүсез вебинарында экспертлар киберкуркынычсызлык мәсьәләләре турында фикер алышачак
Бүген, 28 июльдә, 11:00 сәгатьтә, KAZAN DIGITAL WEEK – 2020 халыкара форумына әзерлек кысаларында "Яңа заман Киберкуркынычсызлык " дүртенче вебинары узачак. Анда катнашу бушлай. Турыдан-туры трансляцияне Форумның рәсми сайтында карарга мөмкин.
Вебинарның модераторы - CyberART кибер яклау сервислары юнәлеше, «InnoSTage» компанияләр төркеме җитәкчесе Владимир Дмитриев.
Вебинар эшендә берьюлы биш спикер катнашачак:
- Евгений Бударин, сату алды ярдәме департаменты җитәкчесе, Касперский лабораториясе
- Евгений Добаев, продуктны алга этәрү буенча менеджер, Positive Technologies
- Алексей Лобзин, CyberART кибер яклау сервисларын үстерү буенча менеджеры, "InnoSTage" компанияләр төркеме
- Алексей Белоглазов, кибер-һөҗүмнән саклау буенча техник эксперт, Check Point, Көнчыгыш Европа һәм Якын Көнчыгыш;
- Алмаз Мәҗитов, региональ бизнесны үстерү буенча белгеч, Huawei.
Экспертлар коронавирус пандемиясе чорында киберкуркынычсызлык өлкәсендә булган үзгәрешләрне тикшерәчәк һәм анализлаячак. Аерым алганда, вебинар кысаларында түбәндәге мәсьәләләр күтәреләчәк:
- Янаулар һәм киберһөҗүмнәрне ничек трансформалаштырырга?
- Мәгълүмати куркынычсызлык базарының төп уенчылары үзгәрүчән шартларга ничек реакция бирәләр һәм көндәлек практикада киберкуркынычсызлыкның нинди чараларын кулланлар?
- Киберкуркынычсызлык сәясәтен һәм корпоратив ресурсларны ышанычлы яклауны тәэмин итү өчен нинди җайга салу инструментларын һәм рекомендацияләрне кулланырга кирәк?
Исегезгә төшерәбез, KAZAN DIGITAL WEEK – 2020 халыкара форумы виртуаль форматта 21-24 сентябрьдә узачак. Чара ТР Цифрлаштыру министрлыгы, Юл хәрәкәте куркынычсызлыгы ДБУ, «InnoSTage» компанияләр төркеме, Ак Барс Банк, ТР Инвестиция-венчур фонды ярдәме белән үткәрелә. Форумның генераль партнеры - Huawei компаниясе.
Форум кысаларында панель дискуссияләр, түгәрәк өстәлләр, техник турлар, күргәзмәләр һәм хакатон булачак, җиңүчеләр акчалата призлар белән бүләкләнәчәк.