Казанда РФ Хөкүмәте каршындагы аналитик үзәкнең дәүләт хезмәтләрен һәм сервисларын кулланучылары тестлау лабораториясе ачылды
Лаборатория тест режимында эшли башлый, Бәшир Рәмиев ис. ИТ-паркта урнашкан һәм беренче совет ялганны белүче детекторны уйлап табучы, Казанда туган Александр Лурия хөрмәтенә аталган.
Татарстан Республикасы - дәүләт һәм муниципаль хезмәтләрне цифрлаштыру өлкәсендә лидер, шулай ук дәүләт идарәсендә клиентны үзәккә кую принципларын гамәлгә кертүне тәэмин итүче инструментларны кулланып карау буенча экспериментта катнашучы булып тора. Казан лабораториясе Татарстан Республикасында төзелә торган дәүләт хезмәтләрен һәм сервисларын оптимальләштерү һәм реинжиниринг буенча экосистеманың төп элементларының берсе булачак.
Рәсми ачылышта ТР цифрлы үсеш министры Айрат Хәйруллин, ТР Фәннәр академиясе президенты Рифкать Миңнеханов, ТР Дәүләт Советы депутаты Марат Галиев, «Татарстан Республикасы Муниципаль берәмлекләр советы» ассоциациясе рәисе Әгъзам Гобәйдуллин һәм башкалар катнашты.
Казан лабораторияседә тикшеренүләр үткәрү өчен кирәкле берничә бүлмәдән тора. Шәхси тест кабинеты, оператор бүлмәсе, төркемле тест кабинеты, шулай ук тикшеренү нәтиҗәләрен анализлаучы хезмәткәрләр өчен кабинетлар, хезмәтләр күрсәтүне һәм сервисларның эшчәнлеген оптимальләштерү буенча киңәшләр эшләнә.
Лабораториядә тикшеренүләр үткәрүнең 21 ысулы кулланыла, шул исәптән кулланучанлык-тестингы, тирән интервью, А/В-тестинг, эксперт бәяләмәсе, шулай ук нейрофизиологик тикшеренү.