ЯҢАЛЫКЛАР
Яңа ел бәйрәмнәре көннәрендә 31 декабрьдән 8 гыйнварга кадәр Казанның РТРС телебашнясында архитектура-сәнгать яктырту сценарие эшлиячәк. Якты светодинамик тамашаны 15.00 сәгатьтән 23.00 сәгатькә кадәр күзәтергә мөмкин, ә 31 декабрьдән 1 гыйнварга каршы төндә ул 01.00 сәгатькә кадәр дәвам итәчәк.
МТС Түбән Камада «Суүткәргеч-канализация һәм энергетика хуҗалыгы» АҖ өчен NB-IoT челтәре базасындагы техник чишелеш эшләде, ул реаль вакыт режимында ресурсларны контрольдә тоту системасын җайга салырга, шулай ук аварияләрне оператив рәвештә булдырмаска мөмкинлек бирә. Нәтиҗәдә, предприятие инфраструктурага хезмәт күрсәтү чыгымнарын оптимальләштерүгә һәм клиентларга хезмәт күрсәтү сыйфатын яхшыртуга ирешкән.
1-9 сыйныф укучылары өчен «Имин интернет» бөтенроссия онлайн-олимпиадасы 29 ноябрьдән 26 декабрьгә кадәр Учи.ру онлайн-платформасы тарафыннан, VK компаниясе, «Цифрлы икътисад» илкүләм проекты һәм Россия Цифрлы үсеш министрлыгы ярдәме беләнуздырды. Татарстанның 41300дән артык мәктәп укучысы цифрлы иминлек өлкәсендә белемнәрен тикшерде.
Конкурс 7-11 сыйныф укучылары "Мин - мәктәп укучысы!" кушымтасында квест форматында үткәрелде. Кушымта кулланучылары интерактив серияне карадылар, сюжет геройларының карарлары һәм эшләре белән идарә иттеләр һәм баллар җыйдылар. Конкурста Татарстанның 10 меңнән артык укучысы катнашты.
Хәзерге вакытта ТРда КФҮ ДБУ 280 дән артык дәүләт һәм муниципаль хезмәт күрсәтә һәм аның республикада 61 филиалы бар. Ел саен учреждение хезмәткәрләре иң яхшылар исеме өчен профессиональ конкурста көч сынаша.
Бүген Татарстан Республикасы Цифрлы үсеш министрлыгының 2022 ел йомгаклары буенча киңәйтелгән киңәшмәсендә Денис Улесов «ТР цифрлаштыру һәм элемтә өлкәсендәге казанышлар өчен» күкрәк билгесен алды. Бүләкне цифрлы үсеш министры Айрат Хәйруллин тапшырды. Ул Денис Васильевичка Татарстан Республикасы Мәгълүмат технологияләре үзәгенең генераль директоры вазифасында нәтиҗәле эшләгәне өчен рәхмәт белдерде һәм киләчәктә дә нәтиҗәле хезмәттәшлеккә өмет белдерде.
2022 ел нәтиҗәләре буенча Татарстан Россия Федерациясенең барлык субъектлары арасында цифрлы трансформация җитәкчеләре рейтингында беренче урынны алды. Бу - Татарстан Республикасы премьер–министры урынбасары - Министрлар Кабинеты Аппараты җитәкчесе Шамил Гафаров җитәкчелегендәге республиканың барлык Цифрлы командасы эшенең нәтиҗәсе.
22 декабрьдә «Адымнар-Казан» дәүләт автоном гомуми белем бирү учреждениесендә «Тормыш өчен болыт технологияләре» темасына багышланган чираттагы дәрес узды. Ит-паркның сервер инфраструктурасы инженеры Вәлиев Артур Наил улы 8 нче сыйныф укучыларына болыт системаларында хезмәт күрсәтүнең төп модельләре һәм башка мәсьәләләр турында сөйләде.
Россия Почтасы һәм Kazan Express Казандагы логистик почта үзәге базасында бонд складын куллану турында килешү төзеде. Эксперимент 2023 елның апрелендә башланачак.
Бүген ИТ-паркта «Кайнау ноктасы» мәйданчыгында ТР Дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Рөстәм Һидиятуллин "Балалар һәм яшьләр арасында цифрлы технологияләрне үстерү» (ОНЛАЙН-КУБ-Үсеш!) профильле секциядә катнашучылар белән очрашты.