«Летай» операторы мәгълүматлары буенча, 2025 елда Татарстанда яшәүче хатын-кызлар ир-атларга караганда мобиль элемтәне активрак кулланган. Ир-ат абонентлар саны күбрәк булуга карамастан, республикада яшәүче хатын-кызлар телефон аша һәм социаль челтәрләрдә 1,5 тапкыр күбрәк аралашкан.

МТС компаниясе «Киберкуркынычсызлык: мошенникларга каршы гид» интерактив курсын башлап җибәрде. Программа теләсә кайсы яшьтәге татарстанлылар өчен ачык. Курсның максаты - цифрлы грамоталылыкны арттыру һәм мошенниклардан саклану алымнары турында сөйләү.

5 мартта Татарстан Республикасы Цифрлы үсеш министрлыгында коррупциягә каршы торуның төп мәсьәләләре буенча семинар-киңәшмә узды. Чарада ИТ-тармак, иҗтимагый һәм профсоюз оешмалары вәкилләре булды.

Казанда Н.И. Лобачевский исемендәге лицейда «Намуслы укы» темасына багышланган «Цифрлы ликбез» бөтенроссия белем бирү проектының ачык дәресе узды.