VK татарстанлылар арасында мобиль трафик күләме буенча лидер булды

Социаль челтәр республика халкы трафигы структурасында үз өлешен 13% ка кадәр арттырды. Telegramда да татарстанлылар активлыгы артты. 2022 елдан мессенджер өлеше ике тапкырга арткан һәм бүгенге көндә челтәрдәге барлык куллануның якынча 10% тәшкил итә, дип билгеләп үтте тикшерүе нәтиҗәләре буенча Мегафон.

2024 елның августына булган мәгълүматларга караганда, барлык сервислар арасында иң күп мобиль интернет-трафикны татарстанлылар VK да сарыф итә (13%), 2022 елның августы белән чагыштырганда аның гомуми куллануда өлеше 2,5 процент пунктка арткан. Telegram тагын да динамик үсеш күрсәтә: 2022 елның җәендә мессенджер мобиль интернетның 4,8% алып торса, хәзер аның өлеше 10% ка җитә. Бу Telegramга 2023 елның көзендә TikTok ны узып китәргә һәм трафик күләме буенча икенче урынны алырга мөмкинлек бирде.

TikTok 6% күрсәткече белән рейтингның өченче урынында (2 п.п. ка кимү). «Одноклассники» популярлыгы шулай ук кими – бер ел эчендә төбәк халкының куллану структурасында социаль челтәр өлеше 0,9% ка кадәр кимегән ( -0,3 п.п.).

Мобиль челтәр арта барган йөкләнешне хәл итсен өчен, МегаФон белгечләре үзләренең транспорт инфраструктурасын модернизацияләделәр. Шулай итеп, Telegram белән туры тоташуларның үткәрү сәләте тагын 14% ка, ә VK белән – 12% ка арткан.

"Без куллану трендларын игътибар белән күзәтәбез һәм безнең абонентларның ихтыяҗларына оператив җавап бирәбез. VK һәм Telegram соңгы елларда динамик үсеш күрсәтә һәм җитәрлек сыешлык запасын тәэмин итү өчен без челтәребезне модернизациялибез. Үткәрү сәләтен арттыру мобиль челтәргә йөкләнешне тигез бүлергә дә, кулланучылар тәҗрибәсе сыйфатын арттырырга да мөмкинлек бирде" – дип билгеләп үтә Мегафонның транспорт челтәрен үстерү департаменты директоры Андрей Криштофович.