Татарстанда яшәүчеләрдән коронавирус йогышы мәсьәләләре буенча кайнар линиягә 400 меңнән артык шалтырату килгән

Узган елның ноябреннән Татарстанда коронавирус йогышы мәсьәләләре буенча халык консультациясе өчен Бердәм контакт-үзәк эшли. 122 нче яңартылган кайнар линия операторлары татарстанлылардан 403 967 шалтырату кабул иткән.

Көн саен контакт-үзәккә 20000 шалтырату килә. Барыннан да ешрак кешеләр түбәндәге мәсьәләләр буенча  консультация алалар:

• COVID-19 симптомнары барлыкка килгәндә гамәлләр тәртибе;
• өйгә табиб чакыру;
• вакцинациягә язылу һәм табибка кабул итүгә язылу һ. б.

Әйтергә кирәк, җавапны көтүнең уртача вакыты 6 секундтан да артмый, ә сөйләшүнең уртача вакыты – 2,5 минут. Барлыгы халыкка сменага 65 оператор консультация бирә.

Исегезгә төшерәбез, быелның гыйнварыннан халык COVID-19га каршы вакцинациягә 122 кайнар линия аша языла ала. Шушы вакыт эчендә бу мөмкинлектән 19 605 кеше файдаланган. Көн саен вакцинациягә республиканың 100гә якын кешесе языла.