Татарстанда яшәүчеләрнең цифрлы грамоталылык дәрәҗәсе – Россия буенча уртача күрсәткечтән югарырак
«Цифрлы диктант» ИТ-технологияләр өлкәсендә белемнәрне тикшерү буенча Бөтенроссия Белем бирү акциясен оештыручылар 2021 елга нәтиҗәләр ясадылар. Татарстан Республикасы цифрлы грамоталылыкның иң югары дәрәҗәсен күрсәткән төбәкләр арасында булды.
Digital - татарстанлыларның уртача дәрәҗәсе 10 мөмкин булган баллдан 7,14 балл тәшкил итте, шул ук вакытта бөтен ил буенча уртача күрсәткечләр 6,90 баллга тиң. Шулай ук Карелия һәм Удмуртия, Түбән Новгород, Әстерхан һәм Тамбов өлкәләре һ. б. югары нәтиҗәләр күрсәттеләр.
Акцияне оештыручылар сүзләренә караганда, 2021 елда диктантта катнашучылар саны өч тапкыр арткан һәм бер миллион кешегә якынлашкан. 2020 елда ИТ өлкәсендә үз белемнәрен 330 мең кеше тикшерсә, быел акциягә 919 317 кеше кушылган.
Шул ук вакытта цифрлы грамоталылыкның иң югары дәрәҗәсен 7-13 яшьлек балалар (7,40 балл) күрсәтте. 14-17 яшьлек яшүсмерләрдә (6,43 балл) һәм 18-24 яшьләрдәге (6,72 балл) цифрлы грамоталылык буенча иң түбән күрсәткечләр.
«Цифрлы диктант»та катнашучылар иң яхшы нәтиҗәләрне цифрлы ресурсларны куллану һәм база программаларын, кушымталар һәм сервисларны — цифрлы куллану өлкәсендә күрсәттеләр. Ә иң авыры — үзенең цифрлы компетенцияләрен тикшерү, ә атап әйткәндә-технологияләрне нәтиҗәле сайлап алу һәм куллану күнекмәләре һәм осталыгы турындагы сораулар.
Исегезгә төшерәбез, «Цифрлы диктант» белем бирү акциясе өченче ел рәттән үткәрелә. Аны оештыручылар-РАЭК (Россия электрон коммуникацияләр ассоциациясе), Microsoft һәм ГХФ (Гомумроссия халык фронты), 20.35 университеты һәм «Цифрлы икътисад өчен кадрлар» федераль проекты ярдәмендә.