ЦИПР-2019: беренче көн нәтиҗәләре
Кичә, «Сәнәгать Россиянең цифрлы индустриясе» конференциясенең беренче көнендә 6 килешү имзаланды, 40 Россия һәм чит ил компаниясе гомуми мәйданы 2 мең кв.метр булган күргәзмә экспозициясендә катнашты.
"Ростех" дәүләт корпорациясе генераль директоры Сергей Чемезов һәм Татарстан Республикасы Президенты Рөстәм Миңнеханов экспозицияләрне карап чыктылар, анда Россия компанияләре яңалыклары белән таныштылар һәм аларның кайберләрен сынадылар. Аерым алганда, күзлек кырына NtechLab дан тулыландырылган чынбарлык очколары эләккән. FindFace технологиясе 2018 елгы дөнья чемпионаты барышында үзенең нәтиҗәлелеген раслады инде, ул рәсемнәрне тану системасы ярдәмендә 180 хокук бозучыны тоткарларга ярдәм итте.
Күргәзмәдә 40тан артык компания үз стендларын тәкъдим итте. Алар арасында «Ростех», «Россети», «Росатом», «Автоматика», «Швабе», «Россия квант үзәге» һ.б. бар. Сәнәгать киберкуркынычсызлыгы, бизнес-процессларны автоматлаштыру, мәгълүматларны саклау һәм идарә итү, интеллектуаль транспорт системалары, затларны тану системалары һәм башкалар өлкәсендә Татарстан компанияләре арасында «ICL Системалы технологияләр», «Индасoft – инновацияләр», «Ачык Мобиль Платформа» һәм башкалар тәкъдим ителде.
ЦИПР-2019 беренче көнендә шулай ук килешүләр имзаланды:
- ХайТэк һәм InfoWatch компанияләре нейрон челтәрләре һәм машина белән укыту технологияләре базасында Интеллектуаль иминлек системасын булдыру өчен хезмәттәшлек һәм үзара хезмәттәшлек турында меморандумга кул куйдылар;
- «Швабе» АҖ һәм «КардиоКварк» ҖЧҖ социаль әһәмиятле (йөрәк-кан тамырлары) авырулары белән көрәшү мәсьәләләрен нәтиҗәле хәл итү һәм телемедицина хезмәтләренең һәркем өчен мөмкин булуын һәм сыйфатын күтәрү максатында хезмәттәшлек турында меморандумга кул куйдылар. Кул кую «Кардиология» милли проекты кысаларында узды.
- "БАРС Груп"АҖ һәм Россия Федерациясе Авыл хуҗалыгы министрлыгының Аналитик үзәге агросәнәгать комплексының торышы һәм үсеше турында дәүләт мәгълүмат ресурсларын булдыру һәм үстерү өчен, авыл хуҗалыгын цифрлы үстерү өлкәсендә мәгълүмат алмашу өчен үзара хезмәттәшлек турында килешү имзаладылар;
- КАДФЕМ Си-Ай-Эс ЯАҖ һәм "Сколково" Фонды - күмәк файдалану үзәген төзү турында килешү;
- "Швабе" АҖ һәм «ЮСАР+» АҖ - дөнья базарында продукция һәм хезмәт күрсәтүне алга этәрү буенча кайбер инициативаларны гамәлгә ашыру максаты белән стратегик партнерлык турында килешү;
- "Швабе" АҖ һәм «ТР-Медицина» АҖ - яклар продукциясен һәм хезмәтләрен дөнья базарында алга этәрү буенча кайбер инициативаларны гамәлгә ашыру максаты белән стратегик партнерлык турында килешү.
Беренче көн «Саннарда икътисад. Дәүләт һәм бизнес трансформациясе» дигән темага пленар утырыш белән төгәлләнде. Спикерлар түбәндәге мәсьәләләр буенча фикер алыштылар: бүгенге көндә ОСК диверсификациясе өчен нинди база шартлары һәм инфраструктурасы булдырылган? Якын киләчәктә нинди чараларны гамәлгә ашыру планлаштырыла? «РФ цифрлы икътисады» илкүләм проектының һәм оборона-сәнәгать комплексын диверсификацияләүдә калган илкүләм проектларның роле нинди?
ЦИПР-2019 конференциясенең беренче көненең хөрмәтле кунаклары: РФ Сәламәтлек саклау министры урынбасары Елена Бойко; цифрлы һәм Технологик үсеш буенча РФ Президентының махсус вәкиле Дмитрий Песков; ТР премьер-министры урынбасары - Мәгълүматлаштыру һәм элемтә министры Роман Шәйхетдинов; Мәскәү Хөкүмәте министры һәм Мәскәү шәһәренең мәгълүмат технологияләре Департаменты җитәкчесе Эдуард Лысенко; InfoWatch компанияләр төркеме директоры Наталья Касперская; "Дигинавис" ҖЧҖ Директорлар советы рәисе Николай Никифоров.
Исегезгә төшерәбез, чара Россия Федерациясе Президенты Администрациясе, Россия Федерациясе Сәнәгать һәм сәүдә министрлыгы, Россия Федерациясе Цифрлы үсеш, элемтә һәм массакүләм коммуникацияләр министрлыгы, Россия Федерациясе Икътисадый үсеш министрлыгы, Татарстан Республикасы Хөкүмәте, Россия Федерациясе Хөкүмәте каршындагы Аналитик үзәк һәм Евразия икътисадый комиссиясе ярдәмендә уза. Ростех дәүләт корпорациясе, «Цифрлы икътисад» АКБО, Росатом дәүләт корпорациясе, «Россети» ҖАҖ, Иннополис стратегик партнерлар булып тора.
Фото: ТР Президенты матбугат хезмәте