ЯҢАЛЫКЛАР

Кичә Казанда Россия почтасы Бөтенроссия һөнәри осталык конкурсының макр региональ этабы узды. Быел иң яхшы почта хезмәткәрләре традицион конкурсы беренче тапкыр берьюлы ике һөнәр - элемтә операторы һәм Россия Почтасы бүлекләре башлыклары өчен үткәрелә. Һөнәр буенча иң яхшы исем өчен Идел буе төбәкләреннән 7 почта элемтәсе бүлеге җитәкчесе һәм операторы көч сынашты. Катнашучылар теоретик тест һәм практик биремнәр үтәгәндә һөнәри белемнәрен күрсәттеләр.

Воронеж өлкәсе Хөкүмәте Аппараты вәкилләре төркеме бу атнада Казанда, Татарстан Республикасы Мәгълүматлаштыру һәм элемтә министрлыгы базасында стажировка үтте. Стажировка максатларының берсе - дәүләт һәм муниципаль идарәдә ИТ-технологияләр куллану өлкәсендә Татарстан тәҗрибәсен өйрәнү һәм үз проектларын булдыру.

Шумен шәһәрендә (Болгария) информатика буенча Халыкара Көзге турнир узачак. Ярышларда 9 илдән 15,5 яшькә кадәр һәм «Сениор» категориясендә - 15,5 яшьтән өлкәнрәк мәктәп укучылары катнашты. Россиядән 44 катнашучы чыгыш ясый, шуларның 22се — татарстанлылар.

Россия почтасы, Җиңү музее һәм "Яхшылык эшләргә ашыгыгыз!" хәйрия фонды "Җиңү чыршысын яса" Бөтенроссия балалар конкурсына йомгак ясадылар. Иҗади ярыш 1 нче октябрьдән 31 нче октябрьгә кадәр уздырылды, анда Россиянең 60 регионыннан 500дән артык яшь рәссам катнашты.

Узган ялларда Татарстан Республикасының «Яшь профессионаллар» (WorldSkills Russia) төбәк чемпионатының беренче төп этабы тәмамланды. 100 дән артык компетенциядә Татарстан Республикасы җыелма командасының киңәйтелгән составына керәчәк җиңүчеләр билгеләнгән инде. Алда төбәк чемпионатының тагын ике этабы, алар 7 нче декабрьдә тәмамланачак һәм Татарстан Республикасы җыелма командасының йомгаклау составын билгеләячәкләр.

Бүген Казан мәгълүмати технологияләр һәм элемтә техникумында Россия Почтасы һөнәри осталык бөтенроссия конкурсының макрор региональ этабы узачак. Быел иң яхшы почта хезмәткәрләре традицион конкурсы беренче тапкыр берьюлы ике һөнәр-элемтә операторы һәм Россия Почтасы бүлекләре башлыклары өчен үткәрелә.

ДУП «Татарстан Республикасы Мәгълүмати технологияләр үзәге» һәм АҖ «ГЛОНАСС» мәгълүмати хезмәттәшлек турында килешү имзаладылар. Бүген Мәскәүдә бу көннәрдә уза торган «ЭРА-ГЛОНАСС» халыкара конгрессы кысаларында кул куелды. Документка ТР Мәгълүмати технологияләр үзәге генераль директоры Алмаз Вәлиуллин һәм ГЛОНАСС генераль директоры Игорь Милашевский кул куйды. Кул куюда шулай ук ТР Премьер-министры урынбасары - Мәгълүматлаштыру һәм элемтә министры Роман Шәйхетдинов та катнашты.

3GPP халыкара консорциумга техник ярдәм күрсәтү үзәге җитәкчелеге 5G мобиль элемтә зонасы сегментының эшен бәяләде. Яңа буын мобиль челтәре «Ростелеком» компаниясе тарафыннан Татарстан Республикасы Мәгълүматлаштыру һәм элемтә министрлыгы һәм «Таттелеком» элемтә операторы ярдәмендә проектның технологик партнеры – Huawei компаниясе җиһазында җәелдерелде. Тәҗрибә зонасында 5G челтәрләрендә хезмәт күрсәтү базары тикшеренүләре, коммерция мөмкинлекләрен күрсәтү һәм нәтиҗәле бизнес-карарлар эзләү үткәрелә. 3GPP вәкилләре тәҗрибә зонасы бишенче буын челтәрләре өчен барлык яңа техник стандартлар таләпләренә туры килүен белдерделәр.

25 нче ноябрьдә Kazan Startup Weekend 5.0 кысаларында ИТ-парк мәйданчыгында Сколково патент мәктәбе старт ала. Анда катнашучылар интеллектуаль милек һәм патент мәсьәләләре турында фикер алышачак.

Узган ял көннәрендә Татарстанның Лаеш районында «Идел» яшьләр үзәге базасында ТР Мәгълүматлаштыру һәм элемтә министрлыгы һәм ТР Мәгълүмати технологияләр үзәге яшьләр советының белем бирү сменасы узды. Смена кысаларында Татарстан Республикасы Яшьләр хөкүмәте, Татарстан Республикасы Иҗат яшьләре академиясе вәкилләре белән очрашулар, шулай ук дүрт юнәлеш буенча советның өстенлекле проектларын һәм эшчәнлек юнәлешләрен эшләү буенча төрле тренинглар һәм форсайт-сессияләр узды: Мин, Команда, Министрлык, Тармак.