ЯҢАЛЫКЛАР

Дәүләт хезмәтләре порталында 2022 елда төзекләндереләчәк җәмәгать киңлекләрен һәм ишегалларын сайлап алу буенча сораштыру ачылган. Моннан тыш, татарстанлылар Казансу елгасының биш яр буе зонасын үстерү өстенлекләрен билгели алачак.

26 апрельдә Татарстан Республикасы дәүләт һәм муниципаль хезмәтләр Порталында 2022 елда төзекләндереләчәк объектлар өчен тавыш бирү башлана. Халык киләсе елның масштаблы реконструкция программасына нинди ишегалларын һәм иҗтимагый киңлекләрне кертүне үзләре хәл итә алачак.

Июнь аенда Татарстан халкы ТР Дәүләт хезмәтләре Порталы аша 34кә кадәр электрон рәвештә хезмәт күрсәтә алачак. Татарстан Республикасы Министрлар Кабинетында узган утырышта дәүләт һәм муниципаль хезмәтләрне электрон рәвешкә күчерү эшенең барышы турында республиканың цифрлы ведомство башлыгы Айрат Хәйруллин сөйләде.

Цифрлы министрлык командасы республика Дәүләт хезмәтләре порталына тиз түләүләр системасын (СБП) этаплап кертүгә кереште. Бүген үк татарстанлылар QR-код аша транспорт картасы балансын тулыландыра ала.

1 апрельдән республикада яшәүчеләр балаларны беренче сыйныфка Татарстан Дәүләт хезмәтләре Порталы аша кабул итү өчен гариза бирә ала. 2020 елда мәгариф учреждениеләренә язылу сервисыннан 65,5 мең татарстанлы файдаланган. Хезмәт күрсәтүгә сылтама – https://uslugi.tatarstan.ru/service/detail/22364

Татарстан Цифрлаштыру министрлыгы командасы дәүләт хезмәтләре күрсәтүнең республика Порталында яңа сервисны гамәлгә ашырды. Хәзер республикада яшәүчеләрнең газ белән тәэмин итү буенча берничә минут эчендә бер тапкыр (ремонт) эшләрен түләү мөмкинлеге барлыкка килде. Сервиска сылтама – https://uslugi.tatarstan.ru/gas.

Узган ел нәтиҗәләре буенча республика халкы хәйриячелеккә Татарстан Дәүләт хезмәтләре Порталы аша 10,8 млн сум акча биргән, бу 2019 ел күрсәткечләреннән өч тапкыр диярлек артык – 3,7 млн сум.

Гыйнвар уртасыннан башлап республика халкы COVID-19дан 122нче Бердәм кайнар линия номеры һәм Татарстан Дәүләт хезмәтләре Порталы аша вакцинациягә языла ала. Бүгенге көндә контакт-үзәк операторлары вакцинациягә 5 691 гариза кабул иткән инде.

Сентябрь аеннан республика халкы суд белгеченә онлайн рәвештә дәүләт хезмәтләре Порталы аша языла ала. Яңа сервис эшли башлаганнан бирле, алардан 443 кеше файдаланган инде. Кабул итүгә сылтама буенча язылырга мөмкин: https://uslugi.tatarstan.ru/e-service/equeue/court/select.

Татарстан Республикасы Дәүләт хезмәтләре порталында берьюлы ике яңа сораштыру старт алды. Халык җирле үзидарә органнары җитәкчеләре эшчәнлегенең нәтиҗәлелеген бәяли, шулай ук уңайлы шәһәр тирәлеген булдыру буенча иң яхшы проектларның бөтенроссия конкурсында катнашу өчен иҗтимагый территория өчен тавыш бирә ала.