ЯҢАЛЫКЛАР
Киләсе уку елына республиканың барлык гомуми белем бирү учреждениеләре интернетка оптика буенча тоташтырылачак. Бу хакта бүген Татарстан Республикасы Цифрлы үсеш министрлыгы башлыгы Айрат Хәйруллин хәбәр итте.
«Цифрлы икътисад» милли программасын һәм республика программасын гамәлгә ашыру кысаларында 2020 елның 1 нче сентябренә Татарстанда 1 045 гомуми белем бирү оешмасын югары тизлекле интернетка тоташтыру планлаштырыла.
Татарстан Республикасында «Цифрлы икътисад» милли программасының «Мәгълүмати инфраструктура» проектын гамәлгә ашыру кысаларында 3 460 социаль әһәмияткә ия объект Интернетка киң полосалы тоташу мөмкинлеге белән тәэмин ителәчәк. Болар - фельдшер-акушерлык пунктлары, янгын сүндерү частьләре, гомуми һәм урта һөнәри белем бирү учреждениеләре.