Татарстан Республикасы Цифрлы үсеш министрлыгында «Геопейджер» компаниясе дроннар өчен навигация системасы турында сөйләде
«Геопейджер» компаниясе үзенең эшчәнлеге турында сөйләде һәм пилотсыз транспортны навигацияләү системасы проектын тәкъдим итте.
«Геопейджер» - Иннополис һәм Казан ИТ-паркы резиденты. Компания навигация һәм элемтә системаларын эшлиа. «Геопейджер» топ-40 иң яхшы дөнья стартаплары исемлегенә керә, ә аның командасында Татарстан, Новосибирск һәм Томск югары уку йортлары студентлары һәм чыгарылыш укучылары эшли.
Һава киңлеген мониторинглауның күп кенә заманча системалары GPS-трекерлар базасында эшли. Җайланмаларның чикләүләре бар: алар объектның никадәр биек урнашканлыгын күрсәтә алмыйлар, ә сигнал дәрәҗәсе еш кына һава торышына һәм башка тышкы шартларга бәйле.
«Геопейджер» киңлекне мониторинглау өчен уникаль локаль позицияләү системасын (LPS) тәкъдим итә, ул объектларны 0,1 метрга кадәр төгәллек белән билгели һәм һава шартларына бәйле түгел. Технология төрле биеклектәге биналарда урнаштырыла торган датчиклар — «геопиксельләр» челтәренә нигезләнгән. Һәр геопиксельнең төгәл геокоординатлары бар һәм ул пространстводагы үзгәрешләрне терки. Территорияне гөмбәз буларак каплаучы Система теләсә нинди хәрәкәтләнүче һәм хәрәкәтсез объектны танып белә ала һәм мәгълүматлар чыгуын булдырмый.