Татарстан Халыкара дәүләт идарәсе конгрессында тәҗрибәсе белән уртаклаша

2026 елның 11 феврале, чәршәмбе

11 февральдә Дәүләт идарәсенең беренче халыкара конгрессында Татарстан цифрлы үсеш министры урынбасары Булат Габдрахманов "Дәүләт хезмәтләре күрсәтүнең сыйфатын арттыру – җаваплыларның эше" сессиясендә чыгыш ясады. Күп кенә карарлар «Мәгълүматлар икътисады» илкүләм проекты кысаларында гамәлгә ашырыла.

Татарстан уртаклашкан төп идеяләр:

• 3 миллионнан артык кулланучы һәм 16 еллык үсеш — цифрлы дәүләт хезмәтләре республика халкы тормышының аерылгысыз өлешенә әверелде; 
• Татарстан Дәүләт хезмәтләре порталы 500дән артык сервисны берләштерә: табибка язылудан һәм торак-коммуналь хуҗалык өчен түләүдән алып белешмәләр алуга һәм онлайн гаризалар бирүгә кадәр;
• Республикада кире элемтә механизмы булдырылды: «Халык контроле» сервисы һәм кулланучылар тесты лабораториясе гражданнарның сорауларына тиз җавап бирергә һәм сервисларны яхшыртырга ярдәм итә;
• Татарстан беренчеләрдән булып мөрәҗәгатьләрне эшкәртүне тизләтү һәм кулланучылар өчен уңайлылыкны арттыру өчен Госпромпт сервисы һәм КФҮдә чат-ботлар кертә;
• Яңа платформалар һәм автоматлаштыру нәтиҗәсендә катлаулы бурычларның 80% ы шактый тизрәк хәл ителә.

"Дәүләт хезмәтләренең сыйфатын арттыру - ул һәрвакыт уңайлылык, вакытны экономияләү һәм сезнең мөрәҗәгатьнең игътибарсыз калмавына ышаныч. Ә Татарстанның цифрлы чишелешләре кешеләр өчен тиз, уңайлы һәм ачык эшли", – диде Булат Габдрахманов.