ИТ-паркта Россия стартаплар атнасының дүртенче көне: мотивация, DeepTech һәм яңа идеяләр хакатоны
ИТ-паркта Россия стартаплар атнасы ахырына якынлаша һәм чараларга бай программасе белән гаҗәпләндерүне дәвам итә. Бүген катнашучылар инновацион проектларны үстерү мөмкинлекләре белән таныштылар — команда булдырудан һәм аруны җиңүдән алып web3 технологияләре белән эшләүгә һәм финанслауны эзләүгә кадәр.
Көн «Арусыз мотивация: марафон дистанциясендә команда көчен ничек сакларга» дигән лекция-интерактив сессия белән башланып китте, аны команда төзү буенча эксперт Элина Насыйбуллина үткәрде. Катнашучылар тотрыклы мотивацияне ничек сакларга, темпны югалтмаска һәм команданы озак проектларда берләштерергә дигән практик киңәшләр алдылар.
Көннең икенче яртысында Сколково вәкиле Александр Фертманнан «Deeptechта технологик эшмәкәрлек» темасына лекция узды. Спикер грантлар алу, университет стартапларына ярдәм итүнең актуаль мәсьәләләрен карады һәм югары технологияле сегментта проектларны үстерү тәҗрибәсе белән уртаклашты. Чара DeepTech-инициативаларны эшләтеп җибәрү һәм масштаблаштыру белән кызыксынган бик күп тыңлаучыларны җыйды.
"Катнашучыларның deeptech-эшмәкәрлек нәрсә ул, югары технологияле карарлар кайдан алына һәм аларны үз бизнесыңда ничек һәм кем белән үстерергә мөмкин дигән темаларга җәлеп ителүе сөендерә. Без чын күңелдән кызыксынуны һәм күп кенә сораулар бирелүен күрәбез, бу мондый чараларның кирәклеген раслый. Россия стартаплар атнасы тәҗрибә уртаклашу, фикердәш хезмәттәшләр эзләү һәм төбәкнең технологик лидерларының яңа дулкынын формалаштыру өчен уникаль мәйданчык булды",-дип аңлата ИТ-паркта «Сколково» проекты җитәкчесе Анна Шемановская.
Көннең төп чарасы TON CIS HUB тан IdeaTON - мини-хакатон булды. Бу ИТ-парк һәм БДБнең иң эре крипто-бергәлегенең беренче уртак тәҗрибәсе, анда катнашучылар Web3 һәм блокчейн өлкәсендәге проектларны булдырдылар һәм үткәрделәр. Экспертлар белән уртак эш, идеяләр генерациясе, ярдәм һәм питчлар — болар барысы да катнашучыларга кыйммәтле тәҗрибә һәм булачак стартаплар өчен беренче трек алырга мөмкинлек бирде.
Көн Интернетны үстерү институты грантларына гаризалар бирү белән тәмамланды, анда катнашучылар, күбесенчә геймдев өлкәсеннән һәм уеннар эшләүчеләр, гаризаларны рәсмиләштерүнең гамәли нечкәлекләре, типик хаталар, файдалы лайфхаклар һәм конкурс программаларының үзенчәлекләре турында белделәр.
Россия стартаплар атнасы 5 декабрьдә ИТ-паркка проектларны кышкы сайлап алу белән тәмамланачак, анда иң яхшы командалар Татарстанның инновацион экосистемасына кушылу мөмкинлеге алачак.