Татарстанның цифрлы командасы Казанда «Россия почтасы»ның логистик үзәгендә булды
18 ноябрьдә ТР Цифрлы үсеш министрлыгы командасы министр Илья Начвин һәм министр урынбасары Альберт Яковлев җитәкчелегендә Казанда «Россия почтасы» логистик почта үзәге эше белән танышты.
Илнур Мәхмүтов үзәк инфраструктурасы буйлап экскурсия уздырды, үзәкнең генә, ә Татарстанның бөтен почта челтәренең технологик мөмкинлекләре һәм казанышлары турында сөйләде.
Казанда ЛПҮ - федераль дәрәҗәдәге заманча сортлау хабы. Үзәкнең җиһазлары көн саен 1 миллионнан артык почта җибәрүләрен эшкәртергә мөмкинлек бирә, шул исәптән 150 меңнән артык посылка һәм халыкара вак пакетларны.
Биредә 3500 почта бүлекчәсе өчен корреспонденцияне автоматлаштырылган рәвештә сортларга аеру гамәлгә ашырыла, хезмәт күрсәтелә торган зона Татарстанны гына түгел, күрше төбәкләр — Марий Эл, Чувашия, Удмуртия, Самара һәм Ульяновск өлкәләрен дә үз эченә ала.
Очрашу азагында министр Илья Начвин төбәк үсеше өчен үзәк һәм хезмәткәрләр эшенең мөһимлеген билгеләп үтте һәм югары һөнәри казанышлары һәм почта инфраструктурасын үстерүгә керткән өлешләре өчен ЛПҮ хезмәткәрләрен бүләкләде.