Татарстан цифрлы командасы Яшел Үзәндәге ИТ-паркның үсешкә мөмкинлекләрен бәяләде
Татарстан Республикасы цифрлы үсеш министры Илья Начвин һәм ИТ-парк директоры Руслан Власов Яшел Үзәндә эш сәфәрендә булдылар. Алар булачак ИТ-парк мәйданчыгын карадылар, шулай ук җирле производстволар белән таныштылар.
Яшел Үзән ИТ-паркы яңа шәһәр үзәгендә урнашачак һәм ИТ-белем бирүне, робот техникасын һәм ИТ-эшләнмәләрне үстерәчәк. Проект Татарстаннан гына түгел, якындагы төбәкләрдән дә компанияләрне җәлеп итүгә исәпләнгән.
Шулай ук «РАНЛАЙН+» компаниясе производствосын карадылар — электрон басма платалар ясау һәм программа белән тәэмин итү өлкәсендә 19 еллык тәҗрибәсе булган предприятие. Компания җирле җитештерүченең ачык мисалы булып тора, аның продукциясе Россия базарында гына түгел, ә халыкара базарда да уңышлы көндәшлек итә.
Программаның йомгаклау пункты «Искра-Волга»технопаркы булды. 42 000 кв. м мәйданда гомуми штаты 1000 кеше булган производстволар урнашкан. Делегация технопаркның берничә резиденты эше белән танышты:
- E-PROM (электромобильләр һәм электробуслар өчен зарядлау станцияләре);
- СКАТ (югары вольтлы кабель арматурасы);
- Промэнерго (энергия ресурсларын исәпкә алуның интеллектуаль приборлары);
- ЭлектроОптима (электротехник җайланмалар);
- Электротехник продукцияне аккредитацияләнгән сынау үзәге;
- "Аруна" (архитектур-сәнгати яктырту өчен чишелешләр).