Вице-премьер Дмитрий Григоренко Татарстанда ЯФне гамәлгә кертү тәҗрибәсен билгеләп үтте
Төмәндә «Инфотех-2025» форумында РФ Хөкүмәте Рәисе урынбасары, РФ Хөкүмәте Аппараты җитәкчесе Дмитрий Григоренко төбәк хакимиятләре эшендә ясалма фәһемнең әһәмияте турында сөйләде һәм мисаллар китерде.
Татарстан Республикасында система ясалма фәһем ярдәмендә шәһәр мохитенең (юлларның, чисталыкның, торак-коммуналь хуҗалыкның) торышын тикшереп тора. Шуның хисабына, кар яуганнан соң, урамнар 50% ка тизрәк җыештырыла, ә юллардагы кимчелекләрне 2 көн урынына нибары 1 сәгать эчендә ачыклыйлар.
"Безнең бурыч - цифрлы лидерлыкны стимуллаштыру һәм регионнарның цифрлы тигезлеген тәэмин итү арасында баланс табу. Әзер федераль ЯФ-карарларын тигез гамәлгә керү мөмкинлеген тәэмин итә, ә цифрлы трансформация рейтинглары төбәк инициативасын стимуллаштыра", - дип билгеләде Григоренко.