Татарстан Республикасы Цифрлы үсеш министрлыгы Казан мәктәп укучыларын цифрлы грамоталылыкка өйрәтә
Татарстан Республикасы Цифрлы үсеш министрлыгы «Мәгълүматлар икътисады һәм дәүләтнең цифрлы трансформациясе» илкүләм проекты кысаларында «Цифрлы дәрес» бөтенроссия белем бирү проектын гамәлгә ашыра. Чара укучыларда цифрлы компетенцияләрне үстерүгә һәм алдан һөнәри юнәлеш алуга юнәлдерелгән: тематик дәресләр IT-өлкәдә перспективалы һөнәрләр белән якыннан танышырга һәм мәгълүмати технологияләр өлкәсендә эшкуарлык, тикшеренү һәм башка карьера траекторияләре турында мәгълүмат алырга ярдәм итә.
29 январь көнне Казанның 33нче гимназиясендә цифрлы грамоталылык дәресе узды, аны дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Булат Габдрахманов үткәрде. Әлеге дәреснең темасы: интернетта эш эзләгәндә һәм товарлар сатып алганда, үз-үзеңне куркынычсыз тоту.
Министр урынбасары дәресне түбәндәге сораулардан башлады: балаларга республиканың нинди ИТ-компанияләре билгеле? Эшкә ничек куркынычсыз урнашырга? Ничә яшьтән рәсми рәвештә эшләргә мөмкин? Өстәмә эшнең тулы кыйммәтле эштән аермасы нәрсәдә?
Дәрес барышында укучылар сораулар бирделәр, мәсәлән, алар эш эзләү өчен сыйфатлы резюме булдыру, документлар бирү кагыйдәләре һәм эш белән эшләү арасындагы аермалар турында белделәр.
Булат Габрахманов шулай ук, шәхси мәгълүматларны кертүне таләп итә торган фишинг сылтамаларын җибәргәндә, мошенникларның корбаны булу мөмкинлеге турында сөйләде. Ул укучыларга, онлайн-платформалар белән аралашканда, игътибарлы булырга һәм шәхси мәгълүматны сакларга киңәш итте.
Цифрлы ликбез курслары укучыларга кыйммәтле күнекмәләр бирә һәм аларның һөнәр сайлауда һәм цифрлы компетенцияләрдә уңышка ирешү омтылышын хуплый.