Саба районы укучылары эшкуарларга ИТ чишелешләр тәкъдим иттеләр
30-31 май көннәрендә Саба муниципаль районының урта гомуми белем бирү мәктәбендә укучылар өчен җирле эшкуарлар өчен ИТ чишелешләр эшләү буенча хакатон узды. Хакатон ИТ-паркның филиал мәйданчыклары базасында ИТ-белгечлекләр буенча белем алу программасы нәтиҗәләре буенча уздырыла.
Ике көн дәвамында мәктәп укучылары мобиль кушымталар эшләделәр һәм аларны эшкуарларга уңышлы тәкъдим иттеләр:
1. Саба районының күп функцияле порталы өчен туризм буенча кушымта saba24.
2. Акыллы йорт җиһазларын сату өчен онлайн кибет.
3. Гафэль кибете өчен мобиль кушымта.
Исегезгә төшерәбез, ИТ-парк филиалларында укыту программасы РФ Цифрлы икътисад илкүләм проекты максатларында муниципаль районнарда ИТ-эшкуарлыкны үстерүгә юнәлдерелгән. Программаны гамәлгә ашыру нәтиҗәләре буенча 10 муниципаль филиалда 195 бала мобиль кушымталар эшләргә өйрәнде. Уку этабын узганнан соң, һәр муниципаль районда җирле эшкуарларны җәлеп итеп, хакатоннар уздырыла.