МТС Татарстанда М7 трассасында челтәрне көчәйтте
МТС, цифрлы экосистема, Татарстанның төньяк-көнчыгыш читендәге М7 трассасында Актаныш районының Пучы авылы янында югары тизлекле мобиль интернет эшләтеп җибәрде. Шулай ук LTE Казаннан көньяк-көнбатыш юнәлештә, Введенск бистәсенә юнәлештәге юл участогында эшли башлады, биредә оператор яңа телеком-җиһазлар урнаштырды. Казаннан көнчыгыш һәм көнбатыш юнәлештә чыккан җирдә МТС гамәлдәге челтәр эшен оптимальләштерде. Үткәрелгән эшләр татарстанлылар һәм федераль трасса буенча узучы башка төбәкләрдән килгән автомобильчеләр өчен мобиль интернет тизлеген 30 процентка арттырырга мөмкинлек бирде.
Татарстанның төньяк-көнчыгыш чигендә М7 Волга автомобиль юлы Актаныш районы территориясе буенча уза, ул Башкортостан Республикасы белән чиктәш. Монда Пучы авылы янында МТС яңа телеком-җиһазлар урнаштырды, шуның ярдәмендә авыл халкына һәм янәшәдәге трасса буенча йөрүчеләргә югары тизлекле интернет ачык. LTE Иннополис шәһәреннән ерак түгел Введенск бистәсе янындагы М7 участогында да эшли башлады.
"Татарстан аша федераль максатлы берничә автотрасса үтә, бүген тагын М12 ачыла, ул Казан, Түбән Новгород һәм Мәскәүне тоташтырачак. Хәзерге трассалардан ел әйләнәсендә зур автомобиль трафигы уза. Юлда сыйфатлы элемтә һәм тиз интернетсыз ярамый, шуңа күрә Big Data технологиясе ярдәмендә без иң күп кеше йөри торган участокларны бәялибез һәм аларда элемтәне ныгытабыз. Тотрыклы элемтә республика кунакларының сәфәрләрен куркынычсызрак һәм уңайлырак итәчәк, ә М7 янындагы торак пунктларда яшәүче татарстанлылар телефон аша аралаша һәм смартфонны уку, эшләү һәм күңел ачу өчен куллана алачак", — дип аңлатма бирде Татарстанда МТС директоры Марат Шакиров.