Татарстан КФҮ бу шимбәдә стадионда җанатар картасын рәсмиләштерәчәк

Күчмә кабул итү 15 июльдә 15:30дан 17:30га кадәр Ак Барс Арена стадионында узачак, анда футбол буенча Россия Суперкубогы өчен Зенит-ЦСКА матчы узачак.

Искәртик, җанатар картасының номеры Россия Премьер-лигасы матчларына билетлар сатып алганда кирәк. Әйтик, Казанның «Рубин» командасының «Оренбург» ка каршы 30 июльдә узачак беренче өй уенына Fan IDсыз бару мөмкин булмаячак. 

Җанатар картасы - Россия Федерациясе Дәүләт хезмәтләре порталында шәхси кабинетта һәрвакыт булачак электрон документ. Карта һәм билет нигезендә QR-код формалаша. Ул стадионга бастырылган яки телефон экранында керү өчен кирәк булачак.  

Җанатар картасын һәр кешегә аерым, шул исәптән 14 яшькә кадәрге балаларга рәсмиләштерергә кирәк.

Бүгенге көндә җанатар картасын теркәү өчен берничә вариант бар. Аларның һәрберсендә Дәүләт хезмәтләрендә теркәлергә һәм шәхесне расларга кирәк булачак. 

Иң киң таралган ысул – РФ Дәүләт хезмәтләре порталы аша гариза бирү.

Бу очракта шәхес КФҮтә билгеләнә һәм раслана. 

"Ак Барс Арена стадионында күчмә кабул итү вакытында КФҮ белгечләре нәкъ менә җанатарның шәхесен раслаячак. Гаризаны РФ Дәүләт хезмәтләренә алдан тапшырырга кирәк, әмма кемдер моны эшли алмаса, аңа мобиль телефоннан эшне ничек башкарырга һәм фотога төшәргә ярдәм итәргә киңәш итәчәкләр",-дип сөйләде ТР КФҮ ДБУ директоры Ленара Мөзаффарова.

Җанатар картасын шәхесен расламаган килеш, 10 елга яңа үрнәктәге чит ил паспорты ярдәмендә рәсмиләштерергә мөмкин.