Татарстанда киберкуркынычсызлык буенча студентлар үзәкләре оештырыла
Республиканың дүрт югары уку йортында киберкуркынычсызлык үзәкләре булдыру буенча әзерлек эшләре башланды.
Быел республика югары уку йортларына һөҗүмнәр саны 8 тапкыр арткан. Элегрәк хакерларны югары белем бирү учреждениеләре, урларлык әйберләре булмаганга, кызыксындырмаган. Ләкин, хәзерге вәзгятьтә хокук бозучыларның максталары үзгәрде, хәзер алар эшне бозу максатын куялар. Югары уку йортларының мәгълүмати куркынычсызлыгы мәсьәләләрендә кимчелекләр бары ачылды һәм кадрлар кытлыгы проблемасын тагын да кискенләштерде.
Бу проблемаларны хәл итү өчен Татарстан Республикасында безнең ил өчен вузара киберкуркынычсызлык үзәкләрен булдыру буенча уникаль проект гамәлгә ашырыла. Вузларны тиешле саклау дәрәҗәсе белән тәэмин итү һәм бер үк вакытта практик бурычларны хәл итү өчен кадрлар әзерләү инициативасы бизнестан килде. Innostage дәүләт корпорациясе вузларга үз SOCларын төзүдә ярдәм күрсәтте. Innostage вузларга технологияләр, тәҗрибә белән ярдәм күрсәтәчәк.
«Без проектны Татарстаннан башладык, чөнки бу Innostage компаниясе өчен туган як. Kazan Digital Weekта республика Президенты Рөстәм Миңнеханов барында без ТРның әйдәп баручы дүрт югары уку йорты - КФУ, КАИ, КДЭУ һәм Иннополис Университеты белән ниятләр турындагы килешүгә кул куйдык. Бу безнең өчен коммерциячел булмаган багланыш. Үзебез һәм безнең технологик партнерларыбыз, шул исәптән Positive Technologies һәм CyberOK, түләүсез нигездә ярдәм кулы сузабыз - берникадәр вакыттан соң җимешләрен күрербез, ягъни квалификацияле кадрлар агымы алырга исәп тотып, җиһазлар һәм белемнәр бирәбез», - дип сөйләде Innostage компаниясенең кибер саклау сервислары департаменты җитәкчесе Алексей Воронцов.
Хәзерге вакытта методиканы формалаштыру һәм уку процессын кору бара. Югары уку йортлары мөгаллимнәре кирәкле әзерлек узачак. Алга таба бу процесска студентлар кушылачак. Киберкуркынычсызлык үзәкләренең эше 2023 елгы кабул итү кампаниясе белән бергә башланачак.