15 октябрьдән Бөтенроссия халык санын алу кысаларында РФ Дәүләт хезмәтләре порталында сораштыру узарга мөмкин булачак

2021 елның 6 октябре, чәршәмбе

15 октябрьдән 8 ноябрьгә кадәр www.gosuslugi.ru дәүләт һәм муниципаль хезмәтләрнең бердәм порталында «Халык санын алуда катнашу» хезмәте күрсәтеләчәк. Порталда стандарт яки расланган хисап язмасы булган кешеләр электрон рәвештә языла ала. Порталдан файдаланучыларның барысы да үз кабинетларына халык санын алуны раслауның уникаль кодын алачаклар.

  • Исәпкә алу кәгазьләрен электрон формада теләсә кайсы уңайлы вакытта үзең һәм үз йорт хуҗалыгыңның барлык әгъзалары өчен тутырырга мөмкин. Йорт хуҗалыгы булып торак урынында яшәүче, үзләрен яшәү өчен кирәкле чаралар белән тәэмин итүче һәм үз керемнәрен тулысынча яки өлешчә берләштерүче затлар төркеме санала, йә ул аерым торак урынында яки аның өлешендә яшәсә һәм үзен яшәү өчен кирәкле чаралар белән мөстәкыйль тәэмин итә.
  • Теркәлү адресы белән белән даими яшәү адресы туры килмәгән очратка, даими яшәү адресын һәм хуҗалык әгъзалары санын күрсәтергә кирәк булачак.
  • Электрон исәпкә алу кәгазендә дәүләт хезмәтләре порталының хисап язмасыннан мәгълүматлар: җенесе, туган көне, туган урыны, гражданлыгы, торак шартлары турындагы аерым мәсьәләләр тутырылырга мөмкин. Кирәк булганда алар исәпкә алу битен тутырганда респондент тарафыннан үзгәртелергә мөмкин.
  • Электрон исәпкә алу кәгазьләрендә сораулар һәм аларга җавап вариантлары буенча тулы мәгълүмат белән киңәшләр бар.
  • Хезмәт күрсәтү вакытында дәүләт хезмәтләре порталына техник ярдәм күрсәтүгә запрос җибәрергә мөмкин. Сорауга җавап кулланучының шәхси кабинетында урнаштырыла.
  • Исәпкә алу кәгазьләрен үзләре һәм үз хуҗалыклары әгъзаларына тутырып, респондентка аларны Росстатка, тиешле төймәгә басып, җибәрергә кирәк. Росстат тарафыннан исәпкә алу кәгазьләрен дәүләт хезмәтләре порталында кулланучының шәхси кабинетына теркәгәннән соң, исәпкә алуның узуын раслаучы уникаль кодлар китерелә һәм барлык йорт хуҗалыгына исәпкә алу нәтиҗәләре турында мәгълүмат белән QR-кодны берләштерә.
  • Бу кодларны исәпкә алучыга исәпкә алу кәгазендә күрсәтелгән адрес буенча яисә 2021 елның 18 октябреннән 14 ноябренә кадәр һәр стационар исәпкә алу участогында күрсәтелгән торак урынында булганда күрсәтергә кирәк.

Бөтенроссия халык санын алу турында тулырак мәгълүмат Strana2020.ru сайтында урнаштырылган.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International