Татарстанның "Иң яхшы КФҮ" конкурсына гаризалар кабул итү башланды
Конкурска гаризалар 16 сентябрьдән 1 октябрьгә кадәр кабул ителә.
Конкурс кысаларында берничә номинация каралган: «Татарстан Республикасының иң яхшы КФҮ», «Татарстан Республикасы КФҮнең иң яхшы универсаль белгече» һәм «Татарстан Республикасы КФҮнең иң яхшы бүлеге (филиалы) җитәкчесе».
«Татарстанның иң яхшы КФҮ» номинациясендә дәүләт һәм муниципаль хезмәтләр күрсәтүче күпфункцияле үзәкләр гариза биргән көннән алып 6 айдан да ким булмаган күләмдә катнаша ала. Гаризалар өч категориядә карала: кече, урта һәм эре шәһәрләрнең КФҮ.
Әлеге номинациядә җитештерү күрсәткечләре дә, хезмәт күрсәтү шартлары да, гариза бирүчеләр өчен уңайлы мохит булдыру, офисларны техник яктан җиһазландыру да исәпкә алына.
Конкурсантлар арасында шулай ук «КФҮ филиалының иң яхшы җитәкчесе» сайлап алыначак, ул кабул итү офисын иң нәтиҗәле оештыра, креатив идеяләр һәм яңалыклар кертә, коллективта корпоратив мәдәниятне үстерә.
«Иң яхшы универсаль белгеч» исеменә КФҮдә эш стажы 6 айдан да ким булмаган гариза бирүчеләрне кабул итүче КФҮ хезмәткәрләре дәгъва итә ала.
Катнашучыларга ике конкурс этабын узарга туры киләчәк. Сайлап алу туры барышында тәкъдим ителгән анкеталар, фото- яки видеопрезентацияләр карала, дәүләт һәм муниципаль хезмәтләр күрсәтү һәм оештыру өлкәсендә норматив-хокукый базаны белүгә тест һәм әңгәмәләр үткәрелә, интеллектуаль сәләтләрне ачыклау, психологик тест үткәрелә.
Икенче этап эксперт комиссиясе әгъзалары белән әңгәмә рәвешендә үткәрелә, аның составына КФҮ ДБУ, дәүләт идарәсенең цифрлы үсеше, мәгълүмат технологияләре һәм элемтә министрлыгы вәкилләре керә. Әңгәмә вакытында катнашучылар теоретик әзерлек дәрәҗәсен, һөнәри осталыкларын, эшчәнлекләре белән бәйле төрле ситуацияләрдә чишелешләрне таба белүләрен күрсәтергә тиеш.
Иң яхшы КФҮ җитәкчесе, КФҮ җитәкчесе һәм Татарстан Республикасы КФҮ белгече дип конкурс процедуралары барышында максималь балл җыйган катнашучылар танылды.