Айрат Хәйруллин "Таттелеком" коллективы белән очрашты

2021 елның 14 сентябре, сишәмбе

Татарстанның цифрлы үсеш министры "Таттелеком"да - бүгенге көндә масштаблы социаль мәсьәләләрне хәл итә торган иң эре Республика элемтә операторында очрашу үткәрде.

Киңәшмәдә провайдер инфраструктурасы үсеше һәм социаль әһәмиятле проектларны гамәлгә ашыру турында фикер алыштылар.

Шундый проектларның берсе - 3,5 меңнән артык социаль әһәмияткә ия объект: фельдшерлык-акушерлык пунктлары, авыл җирлекләре администрацияләре, китапханәләр, мәдәният йортлары, музейлар, янгын сүндерү частьләре, полиция бүлекчәләре һәм Росгвардия.

Бу зур инфраструктура проекты Татарстанга республиканың барлык мәктәпләрен өзлексез һәм сыйфатлы интернет белән тәэмин итәргә мөмкинлек бирде. Хәтта зур булмаган учреждениеләр дә иң заманча белем бирү платформаларыннан файдалана алды.

Айрат Хәйруллин шулай ук Татарстанда GPON технологиясе буенча Интернетка керү өчен оптик челтәрләр төзүне киңәйтүнең мөһимлеген ассызыклады. Бу технология Интернет, цифрлы телевидение һәм IP-телефоннарны бер кабель аша тоташтыруны тәэмин итә. Аның башка технологияләрдән аермасы - мәгълүматларны тапшыруның югары тизлеге.

2021 елда Таттелеком Татарстанның 64 торак пунктында "оптика" үткәрергә планлаштыра. Югары сыйфатлы интернет һәм цифрлы телевидение 67 меңнән артык хуҗалык өчен ачык булачак. Бу елның беренче яртыеллыгында 23,5 мең йортта эшләр башкарылган.

"Технология республика халкында бик кирәк булганлыктан, 2022 елда оптик челтәрләр төзү темпларын арттыру мөһим дип саныйм", - дип йөкләде министр.

Очрашуда бу атнада РФ Дәүләт Думасына булачак сайлаулар турында да фикер алыштылар. Таттелеком 1,2 мең сайлау участогында видеокүзәтү һәм 2,5 меңнән артык участокта телефон элемтәсе белән тәэмин итә.

"Ышанам ки, оператор коллективы куелган бурычны бик яхшы башкарып чыга һәм элемтә инфраструктурасының өзлексез эшен тәэмин итә", - дип билгеләде Айрат Хәйруллин.

Чара ахырында министр Таттелеком хезмәткәрләрен министрлыкның Мактау грамоталары белән бүләкләде.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International