350 меңнән артык татарстанлы 122 COVID-19 буенча кайнар линиягә мөрәҗәгать итте
Узган елның ноябреннән республикада коронавирус йогышы мәсьәләләре буенча халыкка консультацияләр бирү өчен Бердәм контакт-үзәк эшли. Шул вакыт эчендә 122 яңартылган кайнар линия операторлары татарстанлылардан 350 687 шалтырату кабул иткән.
Көн саен контакт-үзәккә 2000гә кадәр шалтырату килә. Барыннан да ешрак кешеләр мондый мәсьәләләр буенча консультяция алалар:
- COVID-19 симптомнары барлыкка килгәндә гамәлләр тәртибе;
- Өйгә табиб чакыру;
- Вакцинациягә язылу һәм табибка кабул итүгә язылу һ. б.
Әйтергә кирәк, җавапны көтүнең уртача вакыты 6 секундтан да артмый, ә сөйләшүнең уртача вакыты – 2,5 минут. Барлыгы халыкка сменага 70 оператор консультация бирә.
Исегезгә төшерәбез, быелның гыйнварыннан халык COVID-19га каршы вакцинациягә 122 кайнар линия аша языла ала. Шушы вакыт эчендә бу мөмкинлектән 16 269 кеше файдаланган. Көн саен вакцинациягә республиканың 150гә якын кешесе языла.