Хөкүмәт кече һәм урта бизнес өчен программа тәэминатын сатып алуга субсидияләр бирү кагыйдәләрен раслады

Кече һәм урта предприятиеләр Россия программалы тәэминатын тагын да отышлырак бәяләрдән сатып ала алачак. Әлеге ярдәм чараларын субсидияләү кагыйдәләрен Хөкүмәт рәисе Михаил Мишустин раслады.

Документ нигезендә, ташламалар күләме уртача базар бәясеннән 50% тәшкил итәргә тиеш. Субсидияләр турыдан-туры проектны эшләүчеләргә бирелә. Мондый акчаны алучылар, мондый предприятиеләр софт сатып алуга үз чыгымнарын киметсен өчен, кече һәм урта бизнес өчен үз продукциясенең бәясен киметергә тиеш.

Түләү белән Россия мәгълүмати технологияләрне үстерү Фонды идарә итәчәк. Ул шулай ук РФ үсеш министрлыгы ярдәме белән эшләүче компанияләрне конкурс нигезендә сайлап алуны оештыра.

Бу чараны финанслауга 2021 елда – 1 млрд.сум, 2022 елда – 2 млрд. сум, 2023 елда – 2 млрд. сум, 2024 елда - 2 млрд. сум каралган.

Кабул ителгән карар Россия программа тәэминатын гамәлгә кертүне стимуллаштыра, илебез ИТ-секторына ярдәм итәчәк.