3 400 гә якын татарстанлы шәхси санлы сертификатлар алуга гариза биргән
Узган пәнҗешәмбедә, 15 октябрьдә, Татарстанда шәхси санлы сертификатлар алуга заявка кампаниясе старт алды. Узган атнада программада республиканың 3 393 кешесе теркәлгән инде. Гаризалар 30 октябрьгә кадәр кабул ителә.
Безнең республика Башкортстан Республикасы (4 028) һәм Ростов өлкәсе (3 524) белән бергә теркәлүләр саны буенча иң актив 3 төбәк арасына керә. Бүгенге көндә программага 85 меңгә якын россияле гариза биргән.
Исегезгә төшерәбез, цифрлы сертификатлар алган татарстанлылар 22 ИТ-юнәлеш буенча түләүсез белем ала алачак: Квант технологияләре, Сенсорика һәм робототехника компонентлары, ит-продуктларны программалаштыру һәм булдыру, нейротехнологияләр, өстәмә һәм виртуаль чынбарлык һ.б. 72 сәгатьлек белем бирү курсы тулысынча дистанцион булачак.
Цифрлы сертификатны пенсия яшенә җитмәгән 18 яшьтән өлкәнрәкләр, урта һөнәри яки югары белемле кешеләр алырга мөмкин. Гаризалар 30 октябрьгә кадәр цифровойсертификат.рф сайтында кабул ителә.
Татарстанлыларны программа буенча консультацияләү өчен республикада югары технологияләр өлкәсендә эшләүче «ИТ-парк» технопаркы базасында махсус контакт-үзәк ачылды. Ул эшли башлаганнан бирле хезмәткәрләр халыктан 331 шалтырату эшкәрткән инде, сорауларыгыз булса, сез аларны 8-800-600-35-15 телефон номеры буенча юллый аласыз.
Моннан тыш, кичә 2020 елда санлы сертификатларга ия булучылар укый ала торган белем бирү курслары каталогы да эшли башлады. Аның белән түбәндәге сылтама буенча танышырга мөмкин – https://cat.2035.university/rall/?project_id=27.
2020 елда проектта 48 төбәк катнаша, аларда яшәүчеләр үзара 33 000 санлы сертификат бүлешәчәк. Быел һәр сертификат Номиналы ике тапкыр арттырылды – 15 000 сумнан 30 000 сумга кадәр. Укулар тәмамланганнан соң барлык тыңлаучыларга квалификация күтәрү турында документлар бирәчәкләр.
Шәхси цифрлы сертификатлар «Санлы икътисад өчен кадрлар» федераль проекты кысаларында халыкка бирелә. Бу программа 2019 елның ноябрендә биш пилот төбәктә старт алды, алар арасында Татарстан Республикасы да бар иде. Ул чакта безнең 1000 кеше бушлай файдалы цифрлы күнекмәләр үзләштерде.