Рөстәм Миңнеханов Kazan Digital Week-2020 форумында: «Без цифрлаштыру турында сөйләшкәндә, иң мөһиме - кешеләр»
Kazan Digital Week-2020 халыкара онлайн-форумы кысаларында «Цифрлы трансформация. Чакырулар һәм перспективалар» пленар дискуссиясе узды. Анда Татарстан Республикасы Президенты Рөстәм Миңнеханов, «Huawei» компаниясе президенты Эйден У, «ЭРТИКО ИТС-ЕВРОПА» Ассоциациясе генераль директоры Якоб Бангсгард, "Сколково" фонды рәисе Аркадий Дворкович һ. б. катнашты.
Чара видеоролик һәм форум кунакларын сәламләүдән башланды.
Шулай итеп, РФ Хөкүмәте рәисе Михаил Мишустинның, шулай ук «Цифрлы трансформация. Чакырулар һәм перспективалар» халыкара фәнни-гамәли конференциясендә Россия Федерациясе Хөкүмәте вице-премьеры Дмитрий Чернышенко, Россия Федерациясе вице-премьеры Марат Хөснуллин һәм башкалар катнашты.
Исегезгә төшерәбез, Kazan Digital Week-2020 халыкара онлайн-форумы 2020 елның 21-24 сентябрендә уза. Форумның төп идеясе ерак шартларда белгечләрнең аралашуының максималь фәнни һәм икътисадый нәтиҗәсенә ирешүдән гыйбарәт. Чараларның турыдан-туры трансляцияләре форум сайтында бар. Форумда 263 спикер 37 секциядә, түгәрәк өстәлләрдә, мастер-классларда чыгыш ясаячак.
Татарстан Президенты Рөстәм Миңнеханов сәламләү сүзе кысаларында форумга карата күрсәткән кызыксынулары өчен барысына да рәхмәт белдерде һәм чараның цифрлы өлкәдә яңа трендлар турында фикер алышу өчен дискуссия мәйданчыгы булачагына ышаныч белдерде. Рөстәм Миңнеханов сүзләренчә, Kazan Digital Week-2020 тәҗрибә уртаклашу, цифрлы технологияләрне эшләү һәм алга этәрү өчен яңа халыкара мәйданчык булырга тиеш.
Рөстәм Миңнеханов искә төшергәнчә, агымдагы елның июлендә Иннополиста Россия Федерациясе Хөкүмәте рәисе Михаил Мишустин һәм ИТ-индустрия вәкилләре катнашында панель дискуссия узды. Ул Россия Федерациясе Хөкүмәте Рәисе урынбасары Дмитрий Чернышенкога әлеге әһәмиятле чараны оештыруда ярдәмнәре өчен рәхмәт белдерде.
"Дөнья санга күчә. Цифрлы технологияләрне куллану - ул безнең гражданнарның тормыш сыйфатын һәм бизнесның конкуренциягә сәләтен арттыру мөмкинлеге. Сколково рейтингы буенча Татарстан Россия төбәкләре арасында цифрлаштыру буенча икенче урында тора", - диде Рөстәм Миңнеханов
Без һәрвакыт алда эшләдек, илдә беренчеләрдән булып төбәк дәүләт хезмәтләре порталын эшләтеп җибәрдек, анда бүген 307 хезмәт күрсәтелә һәм суперсервислар кертелә, дип искәртте Рөстәм Миңнеханов. Аның сүзләренә караганда, гражданнардан кире элемтә алу өчен «Халык контроле» мәгълүмат системасы булдырылган, ул Россия Президенты Владимир Путинның уңай бәясенә лаек.
"Без цифрлаштыру турында сөйләшкәндә, иң мөһиме – кешеләр, - дип белдерде Рөстәм Миңнеханов. - Шартлар тудырырга мөмкин, әмма кадрлар булмаса, эш файдасыз булачак. Профессионалларны мәктәп эскәмиясеннән әзерләргә кирәк. Мәсьәләнең мөһимлеген аңлап, без 2004 елда ук республиканың барлык мәктәпләрен интернетка тоташтырдык, ә бу елның 1 сентябренә мәктәпләрнең 100% ы югары тизлекле оптик-җепселле челтәрләргә тоташтырылган".
Рөстәм Миңнеханов шулай ук хәбәр иткәнчә, федераль ярдәм белән Казан элемтә техникумы модернизацияләнгән, аның базасында халыкара компетенцияләр үзәге оештырылган, ул 12 ИТ-компетенция буенча WorldSkills хәрәкәтендә актив катнаша.
Республикада Иннополис Университеты эшли-илнең иң дәрәҗәле ИТ-югары уку йортларының берсе (хәзерге вакытта 804 студент белем ала). Агымдагы елда Университет дөньяның төрле илләреннән укырга керү өчен 12 мең гариза кабул итте. Шулай ук югары уку йорты базасында узган ел 21 регионнан 3 мең дәүләт хезмәткәре, 4 мең предприятие хезмәткәре квалификациясен күтәрде.
"Пандемия белән бәйле чикләүләр цифрлы продуктларны үстерү катализаторы булды. Кешеләр онлайн-концертларны активрак карый, виртуаль музейларга йөри, Интернетта ашамлыкларга һәм азык-төлек булмаган товарларга заказ бирә башлады. Беренче яртыеллыкта акчалата түләүләр саны 40% ка артты, - дип хәбәр итте Татарстан Президенты. - Кризис вәзгыять республикада онлайн-сәүдәне үстерү стратегиясенең үз вакытында булуын күрсәтте".
Моннан тыш, агымдагы елда Татарстанда Озон һәм Вайлдберриз компанияләренең логистик үзәкләре ачылды, «Казан экспресс» үз маркетейсы эшли. Бер ел эчендә бу мәйданчыкларда республика тәэмин итүчеләре саны 10 тапкырга артты.
Kazan Digital Week-2020 онлайн-форумы кысаларында шулай ук махсуслаштырылган күргәзмә дә оештырылды.