Сентябрь «Саннар дәресе»ндә мәктәп укучыларын пилотсызларны программалаштырырга өйрәтәчәкләр
«Саннар дәресе» Бөтенроссия Белем бирү проекты кысаларында бөтен ил мәктәпләрендә 14-27 сентябрь көннәрендә «Ясалма интеллект һәм машина белән укыту» дәресе узачак. Бу дәрес 2020-2021 уку елында беренче цифрлы дәрес булачак.
Саклык банкы ярдәме белән «Киләчәккә өлеш» Хәйрия фонды тарафыннан эшләнгән яңа дәреснең максаты — балаларга ясалма интеллект (ИИ) эшчәнлегенең нигезләре һәм принциплары, шулай ук бу өлкәдә карьера мөмкинлекләре турында сөйләү.
1-11 нче сыйныф укучылары РФ дәресләре платформасында дистанцион рәвештә дәресләр үтә алалар, ә бу эштә ата-аналар да, укытучылар да ярдәм итә ала. Алар өчен киңәшләр һәм белешмәлекләр каралган.
Дәрес видеолекциядән һәм онлайн-тренажердан тора. Лекциядән укучылар ясалма интеллектның ничек эшләнүе, аның кайда кулланылуы һәм киләчәк технологияләрен булдырырга теләк булганда нәрсә эшләргә кирәклеге турында беләчәкләр.
"Саннар дәресе" кебек проектлар укучыларга цифрлы технологияләрнең ничек эшләвен аңларга һәм хәзерге һәм киләчәк чорның иң перспективалы һөнәрләренең берсе файдасына сайларга мөмкинлек бирә", - дип билгеләп үтте Россиянең цифрлы үсеш министры Максут Шадаев.
Бу уку елы дәвамында барлыгы биш санлы дәрес үткәреләчәк: «Ясалма интеллект һәм машина белән укыту», «Социаль челтәрләр», «Киберкуркынычсызлык», «Пилотсыз транспорт» һәм «Цифрлы җитештерү».
Белешмә
"Саннар дәресе" — ул укучыларга алдынгы технологик компанияләрдән белем алырга һәм санлы икътисадның күнекмәләрен һәм компетенцияләрен үстерергә мөмкинлек бирә торган Бөтенроссия Белем бирү проекты. Проект «Цифрлы икътисад өчен кадрлар» федераль проекты ярдәмендә тормышка ашырыла.
Узган уку елында "Саннар дәресе" Россия мәктәп укучыларының яртысыннан артыгын үз эченә алган иде. Ике ел эчендә балалар, ата-аналар һәм укытучылар проект сайтында 25 млн тапкырдан артык дәресләргә мөрәҗәгать иттеләр. Проект Россиянең барлык 85 регионын колачлады, ә 2019/2020 уку елында үзенең географиясен киңәйтте — Россотрудничество ярдәмендә 100 илдән рус телле мәктәп укучылары проектка кушылды.
«Саннар дәресе»нең инициаторлары — Россия Мәгариф министрлыгы, Россиянең цифрлы үсеш, элемтә һәм массакүләм коммуникацияләр министрлыгы һәм «Санлы икътисад» АКБО. 2020/21 уку елында проектның партнерлары - Саклык банкының «Киләчәккә өлеш» Хәйрия фонды, Яндекс компаниясе, «1С», Mail.ru Group, «Касперский лабораториясе». Технологик партнерлар — «Кодвардс» белем бирү платформасы һәм «Алгоритмика» халыкара программалаштыру мәктәбе.